ഒളിമ്പിക്സ് ഷൂട്ടിംഗ്: വിജയ്കുമാറിലൂടെ ഇന്ത്യക്ക് വെള്ളി മെഡല്
3 August 2012
ഒളിമ്പിക്സ് ഷൂട്ടിംഗ് 25 മീറ്റര് റാപ്പിഡ് ഫയര് പിസ്റ്റള് വിഭാഗത്തില് ഇന്ത്യയുടെ വിജയകുമാറിന് വെള്ളി മെഡല്. ലണ്ടന് ഒളിമ്പിക്സിലെ ഇന്ത്യയുടെ രണ്ടാം മെഡലാണിത്. യോഗ്യതാ റൗണ്ടില് നാലാമതായി ഫിനിഷ് ചെയ്താണ് ഹിമാചല് സ്വദേശിയായ വിജയകുമാര് ഫൈനലിന് യോഗ്യത നേടിയത്. പുതിയ ലോക റെക്കോഡിട്ട ക്യൂബയുടെ ലെയുറിസ് പുപോയ്ക്കാണ് സ്വര്ണം. ചൈനയുടെ ഫെറ്റ് ഡിംഗ് വെങ്കലം നേടി. ഇന്ത്യന് സൈന്യത്തില് സുബേദാറായി ജോലി ചെയ്യുന്ന വിജയകുമാര് 2006 കോമണ്വെല്ത്ത് ഗെയിംസില് ഇന്ത്യക്കായി രണ്ടു സ്വര്ണവും 2010ലെ കോമണ്വെല്ത്ത് ഗെയിംസില് മൂന്നു സ്വര്ണവും ഒരു വെള്ളിയും നേടി. 2006 ഏഷ്യന് ഗെയിംസില് വെങ്കലവും 2009ലെ ലോകകപ്പില് വെള്ളിയും നേടിയിട്ടുണ്ട്. 2007ല് വിജയകുമാറിനെ രാജ്യം അര്ജുന അവാര്ഡ് നല്കി ആദരിച്ചിരുന്നു.