വിസ്മയങ്ങളുമായി ആപ്പിള്‍ ഐ പാഡ് 4 ജി
12 March 2012
കാഴ്ചയിലും വേഗതയിലും ടാബ്ലെറ്റ് ലോകത്ത് ഇതു വരെ കാണാത്ത സവിശേഷതകളുമായി ആപ്പിള്‍ ഐ പാഡ് 4 ജി രംഗത്ത്. ഉയര്‍ന്ന റെസല്യുഷനും 4 ജി പിന്തുണയുമാണ് ആപ്പിള്‍ ന്റെ മൂന്നാം തലമുറ ഐ പാഡ് ന്റെ എടുത്തു പറയേണ്ട പ്രത്യേകതകള്‍. 4 ജി ഐ പാഡില്‍ ഹൈഡഫനീഷന്‍ സ്ക്രീനില്‍ 2048 ബൈ 1536 പിക്സല്സ് ആണ് റെസല്യുഷന്‍. 9 . 4 മില്ലി മീറ്റര്‍ കനമുള്ള 4 ജി ഐ പാഡില്‍ മികവുറ്റ ഗ്രാഫിക്സ് പ്രവര്‍ത്തനം സാധ്യമാക്കാന്‍ എ5 എക്സ് ചിപ്പാണ് ഉപയോഗിച്ചിരിക്കുന്നത്.പിക്സല്സ് നേത്രങ്ങള്‍ വ്യക്തമാകാതെ കാണുമാര് മുഖത്തില്‍ നിന്നും 15 ഇഞ്ച്‌ മാറ്റി വെക്കാവുന്ന തരത്തിലാണ് ഐ പാഡ് രൂപകല്‍പ്പന ചെയ്തിരിക്കുന്നത്. 4 ജി എല്‍ടിഇ സേവനമുള്ള സ്ഥലത്ത് മാത്രമേ പുതിയ ഐ പാഡ് പിന്തുണക്കുകയുള്ളു. 3 ജി യെക്കാള്‍ പത്തു മടങ്ങ്‌ കണക്ഷന്‍ വേഗതയുള്ള 4 ജിയില്‍ വീഡിയോകള്‍ ഐ പാഡ് 2 നെ അപേക്ഷിച്ച് വളരെ പെട്ടെന്ന് ഡൌണ്‍ലോഡ് ചെയ്യാനാകും. വൈ ഫൈ ഹോട്ട് പൊട്ടായി മറ്റു ഉപകരണങ്ങള്‍ക്ക് ഇന്റര്‍നെറ്റ്‌ കണക്ട് ചെയ്യാനും പുതിയ ഐ പാഡ് ഉപയോഗിക്കാം.
വിലയിലും ഐ പാഡ് 4 ജി ഒരു പടി മുന്‍പിലാണ്. 499 ഡോളര്‍ മുതല്‍ 829 ഡോളര്‍ വരെ ആയിരിക്കും ഇതിന്റെ വില. മാര്‍ച്ച്‌ 16 നാണു ഐ പാഡ് വിപണിയിലെത്തുക. കാനഡ, ജര്‍മ്മനി, ഫ്രാന്സ്, അമേരിക്ക, സിംഗപ്പൂര്‍, ഓസ്ട്രേലിയ , സ്വിറ്റ്സര്‍ലന്‍ഡ് , ഹോളണ്ട് തുടങ്ങിയ രാജ്യങ്ങളിലാണ്‌ ഐ പാഡ് ആദ്യം എത്തുക.
