മുഖ്യമന്ത്രിക്ക് ബിജെപി നൽകിയ ഊന്നു വടി ഞങ്ങൾക്ക് വേണ്ട: വി ഡി സതീശൻ
മുഖ്യമന്ത്രി ഇപ്പോൾ നിവർന്ന് നിൽക്കുന്ന ഊന്നുവടി കോണ്ഗ്രസിനോ യുഡിഎഫിനോ വേണ്ടെന്ന് സതീശൻ. അത് ബിജെപി സർക്കാർ നൽകിയതാണെന്നും അദ്ദേഹം വാർത്താസമ്മേളനത്തിൽ പറഞ്ഞു. ചിന്തന്‍ ശിബിരിലെ ചര്‍ച്ചകളില്‍ മുഖ്യമന്ത്രി പിണറായി വിജയന്‍ നടത്തിയ പരാമര്‍ശങ്ങള്‍ മറുപടിയുമായിട്ടാണ് പ്രതിപക്ഷ എന്താവിന്റെ പരമേശം.
കേരളത്തിലെ കോണ്‍ഗ്രസിന് നിവര്‍ന്നുനില്‍ക്കാന്‍ പറ്റുന്ന ഊന്നുവടി എല്‍ഡിഎഫിനില്ലെന്നാണ് മുഖ്യമന്ത്രി പറയുന്നത്. ലാവ്‌ലിന്‍ കേസിലും സ്വര്‍ണക്കടത്ത് കേസിലും രക്ഷപ്പെടാന്‍ മുഖ്യമന്ത്രി ഊന്നനില്‍ക്കുന്ന വടി ഞങ്ങള്‍ക്ക് ആവശ്യമില്ല. സമീപകാലത്ത് മുഖ്യമന്ത്രിക്ക് വല്ലാതെ അനിശ്ചിതത്വബോധമാണ് അതാണ് മറ്റുള്ളവരുടെ മേല്‍ കുതിരകേറാന്‍ ശ്രമിക്കുന്നത്. യുഡി.എഫ് അടിത്തറ വിപുലപ്പെടുത്തുമെന്ന് പറയുന്നതില്‍ മുഖ്യമന്ത്രി വേവലാതിപ്പെടേണ്ട കാര്യമില്ല. ഞങ്ങള്‍ തെറ്റുതിരുത്തി മുന്നോട്ടുപോകുന്നതില്‍ മുഖ്യമന്ത്രി എന്തിനാണ് പരിഹസിക്കുന്നത്. ഞങ്ങളുടെ ചിന്തന്‍ ശിബിരില്‍ ആര് പങ്കെടുത്തു, പങ്കെടുത്തില്ല എന്ന് അന്വേഷിക്കേണ്ട കാര്യം മുഖ്യമന്ത്രിക്കില്ലെന്നും അദ്ദേഹം വാര്‍ത്തസമ്മേളനത്തില്‍ പറഞ്ഞു
യുഡിഎഫിന് ദൗർബല്യം ഉണ്ട്. അത് പരിഹരിക്കാനാണ് ശ്രമമെന്നും സതീശൻ കൂട്ടിച്ചേർത്തു. സ്വന്തമായി നിവര്‍ന്ന് നില്‍ക്കാന്‍ കഴിയാത്ത അവസ്ഥയിലാണ് കോണ്‍ഗ്രസെന്ന് മുഖ്യമന്ത്രി വിമർശിച്ചിരുന്നു. അവര്‍ക്ക് പറ്റിയ ഊന്നുവടി എല്‍ഡിഎഫില്‍ ഇല്ലെന്നും മുഖ്യമന്ത്രി പറഞ്ഞു. ഇതിനെതിരെയായിരുന്നു സതീശന്‍റെ മറുപടി.
