സംസ്ഥാനം സമ്പൂര്ണ ലോക്ക്ഡൗണിലേക്ക്; മെയ് 8 മുതല് 16 വരെ ലോക്ക്ഡൗണ്
6 May 2021
സംസ്ഥാനത്ത് സമ്പൂര്ണ ലോക്ഡൗണ് ഏര്പ്പെടുത്തുന്നു. മെയ് 8 മുതല് 16 വരെയാണ് ലോക്ഡൗണ്. കൊവിഡ് വ്യാപനം രൂക്ഷമാവുന്ന സാഹചര്യത്തിലാണ് തീരുമാനം. നേരത്തെ തന്നെ സമ്പൂര്ണ ലോക്ഡൗണ് ആവശ്യമാണെന്ന നിര്ദ്ദേശം വിവിധ തലങ്ങളില് നിന്നും വന്നിരുന്നു. മിനി ലോക്ഡൗണ് രോഗവ്യാപനം തടയുന്നതിന് ഫലപ്രദമാവുന്നില്ലെന്ന് കഴിഞ്ഞ ദിവസം ഔദ്യോഗിക തലത്തില് വിലയിരുത്തലുണ്ടായിരുന്നു. മെയ് എട്ടിന് രാവിലെ 6 മുതല് മെയ് 16 വരെ ഒമ്പതു ദിവസത്തേക്കാണ് സംസ്ഥാനത്ത് ലോക്ക്ഡൗണ് പ്രഖ്യാപിച്ചത്. സംസ്ഥാനത്ത് കഴിഞ്ഞ ഒരാഴ്ച്ചയായി വലിയ തോതില് രോഗികളുടെ എണ്ണം വര്ധിക്കുന്നതിന്റെ പശ്ചാത്തലത്തിലാണ് ലോക്ക്ഡൗണ്.