ഫ്രഞ്ച്, അമേരിക്കന്‍ ഗവേഷകർക്ക് രസതന്ത്രത്തിനുള്ള നൊബേൽ; പുരസ്കാരം പങ്കിട്ട് വനിതകൾ
7 October 2020
ഈ വര്‍ഷത്തെ രസതന്ത്രത്തിനുള്ള നൊബേല്‍ പുരസ്കാരം ഫ്രഞ്ച് ഗവേഷക ഇമാനുവല്‍ ഷോപെന്‍റിയെക്കും അമേരിക്കന്‍ ഗവേഷക ജന്നിഫര്‍ എ ഡൗഡ്‌നയ്ക്കും. റോയല്‍ സ്വീഡിഷ് അക്കാദമി ഓഫ് സയന്‍സ് സെക്രട്ടറി ജനറല്‍ ഗോറന്‍ ഹന്‍സണ്‍ ആണ് പുരസ്കാരം പ്രഖ്യാപിച്ചത്. ജീനോം എഡിറ്റിംഗിനുള്ള ക്രിസ്പര്‍ (CRISPR/Cas9) വികസിപ്പിച്ചെടുത്തതിനാണ് പുരസ്കാരം.
ബെര്‍കിലിയിലെ യൂണിവേഴ്‌സിറ്റി ഓഫ് കാലിഫോര്‍ണിയയിലെ ഗവേഷകയാണ് ജന്നിഫര്‍. ബെര്‍ലിനിലെ മാക്‌സ് പ്ലാങ്ക് ഇന്‍സ്റ്റിറ്റ്യൂട്ടിലെ പ്രൊഫസറാണ് ഇമാനുവല്‍. 8.2കോടി രൂപയാണ് നൊബേല്‍ പുരസ്‌കാരത്തുക.
