മോദിയുടെ താടി: ‘രാജ്യത്ത് ദൃശ്യമായ ഒരേയൊരു വളർച്ച’; പരിഹസിച്ച് ശശി തരൂർ
ബിജെപി ഭരണകാലത്ത് രാജ്യത്ത് വളർച്ചയുണ്ടായെന്ന പ്രധാനമന്ത്രിയുടെ അവകാശവാദങ്ങളെ വിമർശിച്ച് കോണ്ഗ്രസ് എംപി ശശി തരൂർ. സമൂഹമാധ്യമങ്ങളിൽ പ്രചരിച്ച മോദിയുടെ താടി വളർന്ന ചിത്രം പങ്കുവച്ച് ശശി തരൂർ ‘രാജ്യത്ത് ദൃശ്യമായ ഒരേയൊരു വളർച്ച.’ എന്ന് പരിഹസിച്ചു.
‘കഴിഞ്ഞ ആറു വർഷത്തിനിടയിൽ രാജ്യത്ത് ദൃശ്യമായ ഒരേ ഒരു വളർച്ച’ എന്നതാണ് ചിത്രത്തിനു തരൂർ നൽകിയിരിക്കുന്ന അടിക്കുറിപ്പ്. സത്യമായ കാര്യമാണു കാർട്ടൂണ് വരച്ചുകാട്ടുന്നതെന്നും അദ്ദേഹം ട്വിറ്ററിൽ അഭിപ്രായപ്പെട്ടു.
നേരത്തെ, ഡൽഹി കലാപത്തിനായി ഗൂഢാലോചന നടത്തിയെന്ന കുറ്റം ചുമത്തി ജെഎൻയു വിദ്യാർഥി യൂണിയൻ മുൻ നേതാവ് ഉമർ ഖാലിദിനെ യുഎപിഎ ചുമത്തി അറസ്റ്റ് ചെയ്ത സംഭവത്തിലും കേന്ദ്ര സർക്കാരിനെ രൂക്ഷമായി വിമർശിച്ചു ശശി തരൂർ രംഗത്തെത്തിയിരുന്നു.