മാസപ്പിറവി കണ്ടു; സംസ്ഥാനത്ത് ബലിപെരുന്നാൾ ജൂലൈ 31 വെള്ളിയാഴ്ച
21 July 2020
കോഴിക്കോട് ജില്ലയിലെ കാപ്പാട് മാസപ്പിറവി കണ്ടതിന്റെ അടിസ്ഥാനത്തില് സംസ്ഥാനത്ത് ജൂലൈ 31 ന് വെള്ളിയാഴ്ച ബലിപെരുന്നാളായിരിക്കുമെന്ന് ഖാസിമാർ അറിയിച്ചു. ഇത് പ്രകാരം ബുധനാഴ്ച ദുല്ഹിജ്ജ ഒന്നായിരിക്കുമെന്നും അറിയിച്ചിട്ടുണ്ട്.
കേരളത്തില് അറഫാദിന നോമ്പ് 30-ന് വ്യാഴാഴ്ച ആയിരിക്കുമെന്നും ഖാസിമാരായ പാണക്കാട് സയ്യിദ് ഹൈദരലി ശിഹാബ് തങ്ങള്, സമസ്ത കേരള ജംഇയ്യത്തുല് ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, സമസ്ത ജനറല് സെക്രട്ടറി പ്രൊഫ. കെ ആലിക്കുട്ടി മുസ്ലിയാര്, കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്ക്ക് വേണ്ടി നാഇബ് ഖാസി സയ്യിദ് അബ്ദുല്ല കോയ ശിഹാബുദ്ദീന് തങ്ങള്, സയ്യിദ് നാസര് ഹയ്യ് ശിഹാബ് തങ്ങള് പാണക്കാട് എന്നിവര് അറിയിച്ചു.