ഗുജറാത്ത് മുൻ മുഖ്യമന്ത്രി ശങ്കർസിംഗ് വഗേലയ്ക്ക് കോവിഡ് സ്ഥിരീകരിച്ചു
28 June 2020
ഗുജറാത്ത് മുൻ മുഖ്യമന്ത്രി ശങ്കർസിംഗ് വഗേലയ്ക്ക് കോവിഡ് സ്ഥിരീകരിച്ചു. അവസാന മൂന്ന് ദിവസമായി ഇദ്ദേഹത്തിന് രോഗ ലക്ഷണമായ പനി അനുഭവപ്പെട്ടിരുന്നു. ഇതിനെ തുടര്‍ന്ന് ഡോക്ടർമാരുടെ നിർദേശം അനുസരിച്ച് ഹോം ക്വാറന്‍റൈനിലായിരുന്നു.
കഴിഞ്ഞ ദിവസം നടത്തിയ പരിശോധനയിലാണ് അദ്ദേഹത്തിന് കോവിഡ് രോഗം സ്ഥിരീകരിക്കുന്നത്. നിലവില്‍ അദ്ദേഹത്തിനെ ഗാന്ധിനഗറിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. രാജ്യത്ത് കഴിഞ്ഞ 24 മണിക്കൂറിൽ രാജ്യത്ത് റിപ്പോർട്ട് ചെയ്തത് 410 കോവിഡ് മരണവും 19,906 കോവിഡ് കേസുമാണ്.
