കോവിഡ്: എംപിമാരുടെയും എംഎല്എമാരുടെയും യോഗം വിളിച്ച് മുഖ്യമന്ത്രി
കോവിഡ് പ്രതിരോധ പ്രവര്ത്തനങ്ങള് ചര്ച്ച ചെയ്യാന് മുഖ്യമന്ത്രി എംപിമാരുടെയും എംഎല്എമാരുടെയും യോഗം വിളിച്ചു. ചൊവ്വാഴ്ച വീഡിയോ കോണ്ഫറന്സ് വഴിയാണ് യോഗം ചേരുന്നത്.
രോഗികളുടെ എണ്ണം കൂടുന്ന സാഹചര്യത്തില് കേന്ദ്രത്തില് എന്ത് ഇടപെടല് നടത്താന് സാധിക്കുമെന്ന് എംപിമാരോടും പ്രാദേശിക തലത്തില് എന്തൊക്കെ കാര്യങ്ങള് ചെയ്യാമെന്ന് എംഎല്എമാരോടും ചര്ച്ച ചെയ്യാനാണ് മുഖ്യമന്ത്രിയുടെ തീരുമാനം. കേന്ദ്രത്തിൽ നിന്ന് അടക്കം എന്തൊക്കെ നടപടികൾ സ്വീകരിക്കാമെന്ന് എംപിമാരോടും, ഓരോ പ്രദേശത്തിന്റെയും സ്വഭാവം അനുസരിച്ച് പ്രാദേശികമായി എന്താണ് കൂടുതലായി ചെയ്യേണ്ടത് എന്ന് എംഎൽഎമാരോടും ചർച്ച ചെയ്യുമെന്നാണ് മുഖ്യമന്ത്രിയുടെ ഓഫീസ് വിശദീകരിക്കുന്നത്.
ഓരോദിവസവും കോവിഡ് രോഗികളുടെ എണ്ണം വർധിക്കുകയാണ്. പ്രവാസികളും മറ്റു സംസ്ഥാനങ്ങളിൽ നിന്നും വരുന്നവരും വർധിച്ചതോടെയാണ് രോഗബാധിതരുടെ എണ്ണവും കൂടിയത്. ഇന്നലെ മാത്രം 42 പുതിയ കേസുകളാണ് സ്ഥിരീകരിച്ചത്. ഇനിയും കോവിഡ് കേസുകളുടെ എണ്ണം വർധിക്കുമെന്നാണ് ആരോഗ്യവകുപ്പിന്റെ കണക്കുകൂട്ടൽ.