കൊറോണ പ്രതിരോധം; പ്രധാനമന്ത്രി തടസ്സങ്ങൾ നീക്കി വേഗത്തില് പ്രവര്ത്തിക്കണം: രാഹുല് ഗാന്ധി
26 April 2020
രാജ്യത്ത് ഇതുവരെ കൊവിഡ് പരിശോധനയുടെ എണ്ണം കൂട്ടാൻ സാധിച്ചിട്ടില്ലെന്ന് കോൺഗ്രസ് നേതാവ് രാഹുൽ ഗാന്ധി. ടെസ്റ്റുകള് നടത്തുന്നതിന്റെ എണ്ണം ഒരു ലക്ഷത്തിലേക്കെത്താന് എന്തോ തടസ്സം നേരിടുന്നുണ്ടെന്നും പ്രധാനമന്ത്രി ആ തടസ്സം ഇല്ലാതാക്കി വേഗതയോടെ പ്രവര്ത്തിക്കേണ്ടതുണ്ടെന്നും രാഹുൽ ഗാന്ധി ട്വീറ്റ് ചെയ്തു.
“കൊറോണയെ പരാജയപ്പെടുത്താനുള്ള പ്രധാന മാര്ഗ്ഗം കൂടുതല് ടെസ്റ്റിംഗാണെന്ന് വിദഗ്ദ്ധര് പറയുന്നു. നമ്മുടെ രാജ്യത്ത് ടെസ്റ്റ് ചെയ്യാനുള്ള കിറ്റുകളുണ്ടായിട്ടും പ്രതിദിനം 40,000 ടെസ്റ്റ് എന്നത് ഒരു ലക്ഷത്തിലേക്കെത്താന് ഇന്ത്യ എന്തോ തടസ്സം നേരിടുന്നുണ്ട്. പ്രധാനമന്ത്രി എത്രയും വേഗം ആ തടസ്സം ഇല്ലാതാക്കി വേഗതയോടെ പ്രവര്ത്തിക്കേണ്ടതുണ്ട്”, രാഹുല് ട്വീറ്റ് ചെയ്തു.