ജോലിക്കാരെ പുറത്തുവിട്ട് ചാവേറുകളാക്കാതെ സംരക്ഷിക്കുന്ന താരങ്ങളും ഉണ്ട്; വീട്ടിൽ റേഷൻ തീരാറായ സാഹചര്യം വ്യക്തമാക്കി ജാൻവി കപൂറിന്റെ കരുതലോടെയുള്ള കുറിപ്പ് ചർച്ചയാകുന്നു
കൊറോണക്കാലത്തെ ലോക്കൗഡൗണിൽ വീട്ടിൽ തന്നെ കഴിയുന്ന അനുഭവം പങ്കുവച്ച് നിരവധി ബോളിവുഡ് താരങ്ങൾ സോഷ്യൽ മീഡിയയിൽ എത്തിയിരുന്നു. അക്കൂട്ടത്തിൽ വളരെ വൈകാരികമായ അനുഭവം കുറിച്ചിരിക്കുകയാണ് താരറാണി ശ്രീദേവിയുടേയും ബോണി കപൂറിന്റേയും മകൾ ജാൻവി കപൂർ.
ലോക്ക് ഡൈൺ കഴിയുന്നതുവരെ വീട്ടിലെ റേഷൻ തീരുമോയെന്ന് പോലും ആശങ്കയുള്ളതായി ജാൻവി പറയുന്നു. സാധനങ്ങൾ വാങ്ങാൻ വീട്ടിൽ നിന്ന് ആരെയും പുറത്തു വിടാൻ കഴിയാത്ത അവസ്ഥയാണ്. അവർക്ക് രോഗം വരുമോയെന്നും ആശങ്കയുണ്ട്. താരം പറയുന്നു
വീട്ടുജോലിക്കാരെ പുറത്തു വിട്ട് സാധനങ്ങൾ വാങ്ങിച്ച് സുരക്ഷിതരായി കഴിയുന്നുവെന്ന് സൂപ്പർ താരങ്ങൾ പോലും അഭിമാനത്തോടെ പറയുന്ന സാഹചര്യത്തിലാണ് ജാന്വിയുടെ കരുതലോടെയുള്ള കുറിപ്പ് ചർച്ചയാകുന്നത്.
ജാൻവിയുടെ കുറിപ്പ്
‘ഞാന് കഴിക്കുന്ന ഭക്ഷണണത്തിന്റെ വില എത്രത്തോളമെന്ന് മനസിലാക്കാന് സാധിച്ചു. ലോക്ക്ഡൗണ് അവസാനിക്കുന്നതുവരെ ഞങ്ങളുടെ വീട്ടിലെ റേഷൻ ഉണ്ടാവുമോയെന്ന് അറിയില്ല, ആരെങ്കിലും പലചരക്ക് സാധനങ്ങള് വാങ്ങാന് പോയാല് അവരുടെ ആരോഗ്യം അപകടത്തിലാക്കുന്നുവെന്നാണ് അറിയുന്നത്- ഇക്കാര്യങ്ങള് മുമ്പൊരിക്കലും ഉണ്ടായിട്ടില്ലാത്ത വിധത്തില് എന്നെ വിഷമിപ്പിക്കുന്നു. ഇപ്പോഴും ഈ അവസ്ഥകളിലെ മിക്കതിനേക്കാളും മികച്ചതാണ് എനിക്കുള്ളത്, ജീവിതത്തില് ഒരുപാട് സൗഭാഗ്യങ്ങള് എനിക്കുണ്ട്.. ഞാന് സ്വാര്ത്ഥയും നിരുത്തരവാദിയുമാണെന്ന് ഞാന് മനസ്സിലാക്കി.അമ്മയുടെ മണം ഇപ്പോഴും ആ മുറിയിലുണ്ട്. ശരിക്കും ഖുശി എന്നേക്കാളും അടിപൊളിയാണ്. ലോകത്തില് തന്നെ വളരെ തമാശക്കാരായ സുഹൃത്തുക്കളാണ് എനിക്കുളളതെന്ന് ഞാന് മനസിലാക്കി. എന്റെ ആരോഗ്യം നോക്കാനും വര്ക്കൗട്ട് ചെയ്യാനും വേറെ ഒരാളുടെ ആവശ്യമില്ലെന്ന് മനസിലാക്കി. അച്ഛന് എന്നെ മിസ് ചെയ്യുന്നുവെന്ന് ഞാന് മനസിലാക്കി. ലോക്ക് ഡൗണിന് മുന്പ് അദ്ദേഹം വീട്ടില് ഉളളപ്പോഴെല്ലാം ഞാനും ഖുശിയും ജോലി കഴിഞ്ഞോ മീറ്റിങ്ങ് കഴിഞ്ഞോ, സുഹൃത്തുക്കളുടെ വീട്ടില് നിന്നോ മടങ്ങി വന്നോ എന്ന് അന്വേഷിച്ചുകൊണ്ടിരിക്കും.
ഇപ്പോള് ഞാന് ഉറക്കമെഴുന്നേറ്റ് ഹാളിലേക്ക് വരുമ്ബോള് സോഫയില് ചിരിച്ചുകൊണ്ട് അച്ഛന് ഇരിക്കുന്നത് കാണാം. ഇപ്പോള് ദിവസം മുഴുവനും ഞങ്ങള്ക്കൊപ്പം അച്ഛനുണ്ട്. മുമ്ബ് പല കാര്യങ്ങള്ക്കും പലരെയും ഞാന് ആശ്രയിക്കുന്നുണ്ട്, ഇപ്പോള് പലതും ഒരു ആഡംബരമായി എനിക്ക് തോന്നുന്നു, എന്നാല് അതിപ്പോള് നിത്യ ജീവിതത്തിന്റെ ഭാഗമാണ്. ആവശ്യമാണ്. എന്തിനെയും അതിജീവിക്കാന് സംഗീതം സഹായിക്കുമെന്ന് ഞാന് മനസ്സിലാക്കി. മറ്റെന്തിനെക്കാളും സിനിമയെ ഞാന് ഇഷ്ടപ്പെടുന്നുവെന്ന് മനസിലാക്കി. സിനിമ കാണാനും അവയെക്കുറിച്ച് ചിന്തിക്കാനും സ്വപ്നം കാണാനും ഞാന് ഇഷ്ടപ്പെടുന്നു’- ജാന്വി കപൂര് കുറിച്ചു.”