കേരളത്തില് ഇന്ന് 32 പേർക്ക് കോവിഡ്-19 സ്ഥിരീകരിച്ചു; 17 പേർ വിദേശത്ത് നിന്നും വന്നവര്
കേരളത്തിൽ ഇന്ന് 32 പേർക്ക് കോവിഡ്-19 വൈറസ് സ്ഥിരീകരിച്ചു. കാസർകോട് 17, കണ്ണൂർ 11 , വയനാട് ഇടുക്കി ജില്ലകളിൽ 2 എന്നിങ്ങനെയാണ് രോഗം സ്ഥിരീകരിച്ചതെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു.
ഇന്നത്തതോടെ സംസ്ഥാനത്ത് രോഗം ബാധിച്ചവരുടെ ആകെ എണ്ണം 213 ആയി. വൈറസ് ബാധ ഇന്ന് സ്ഥിരീകരിച്ചവരിൽ 17 പേർ വിദേശത്തുനിന്ന് എത്തിയവരാണ്. മറ്റുള്ള15 പേർക്ക് സമ്പര്ക്കം മൂലമാണ് രോഗം ബാധിച്ചതെന്നും മുഖ്യമന്ത്രി പറഞ്ഞു. പുതിയതായി 126 പേരെ ആശുപത്രിയിലാക്കി.
6991 സാംപിളുകൾ പരിശോധനയ്ക്ക് അയച്ചതിൽ 6031 എണ്ണം രോഗബാധയില്ലെന്ന് ഉറപ്പാക്കി. രാജ്യമാകെയുള്ള ലോക്ഡൗൺ പശ്ചാത്തലത്തിൽ മാർച്ച് 20ന് അവസാനിക്കുന്ന ലിസ്റ്റുകളുടെ കാലാവധി മൂന്നുമാസം കൂടി ദീർഘിപ്പിച്ചതായി പിഎസ്സി അറിയിച്ചിട്ടുണ്ട് എന്നും മുഖ്യമന്ത്രി പറഞ്ഞു.