ഭീതിവിതച്ച് കൊറോണ: മരണസംഖ്യ 1355; രോഗബാധിതരുടെ എണ്ണം 60,000
തിരുവനന്തപുരം: കൊറോണ വൈറസ് ഭീതിവിതച്ച് പടരുന്നു. വൈറസ് ബാധയിൽ ചൈനയിൽ മാത്രം മരണം 1335 ആയി. ഹുബൈ പ്രവശ്യയിൽ ഇന്നലെ മാത്രം 242 പേരാണ് മരിച്ചത്. 14,840 പേർക്കുകൂടി ഇന്നലെ പുതിയതായി രോഗം സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം അറുപതിനായിരമായി. പുതിയ രോഗബാധിതരുടെ എണ്ണം കുറയുന്നുണ്ടെന്നും വൈറസ് നിയന്ത്രണവിധേയമാകുന്നുവെന്നും ചൈന അവകാശപ്പെട്ടതിന് പന്നാലെയാണ് ഇത്രയധികം പേര് ഒറ്റദിവസം മരിച്ചത്.
രോഗം ഏങ്ങോട്ടേയ്ക്കും വ്യാപിക്കാൻ ഇപ്പോഴും സാധ്യതയുണ്ടെന്ന് ലോകാര്യോഗ്യ സംഘടന മുന്നറിയിപ്പ് നൽകി.ജാഗ്രത അവസാനിപ്പിക്കാൻ സമയമായിട്ടില്ലെന്നും ലോകാരോഗ്യ സംഘടന ഡയറക്ടർ ജനറൽ ടെഡ്രോസ് ഗെബ്രേയേസസ് പറഞ്ഞു.കൊറോണ ഭീഷണിയെ തുടര്ന്ന് ഈ മാസം 24 മുതല് സ്പെയിനിലെ ബാഴ്സലോണയില് നടക്കാനിരുന്ന മൊബൈല് വേള്ഡ് കോൺഗ്രസ് റദ്ദാക്കി.ഏപ്രില് 19 മുതല് ഷാങ്ഹായില് നടക്കാനിരുന്ന ചൈനീസ് ഗ്രാന്പ്രീയും മാറ്റിവച്ചു.