ഡല്ഹിയില് ആം ആദ്മി മുന്നേറ്റം; 53 സീറ്റില് ലീഡ്
ഡല്ഹി നിയമസഭ തെരഞ്ഞെടുപ്പില് ആംആദ്മി പാര്ട്ടിക്ക് മുന്നേറ്റം. വോട്ടെടുപ്പ് നടന്ന 70 അംഗ നിയമസഭ സീറ്റില് ആദ്യ ഫലസൂചനകള് പ്രകാരം എഎപി 53 സീറ്റുകളില് മുന്നിട്ടു നില്ക്കുകയാണ്. അ;മസമയം കഴിഞ്ഞ തവണത്തേക്കാള് ബിജെപി നിലമെച്ചപ്പെടുത്തി. 16 സീറ്റില് ബിജെപി ലീഡ് ചെയ്യുകയാണ്. ഒരു സീറ്റില് കോണ്ഗ്രസും ലീഡ് ചെയ്യുന്നതായാണ് വിവരം.
ന്യൂ ഡല്ഹി മണ്ഡലത്തില് മുഖ്യമന്ത്രി അരവിന്ദ് കെജരിവാള് ലീഡ് ചെയ്യുകയാണ്. പട്പട്ഗഞ്ചില് ഉപമുഖ്യമന്ത്രി മനീഷ് സിസോദിയയും മോഡല് ടൗണില് ബിജെപിയുടെ കപില് മിശ്ര ലീഡ് ചെയ്യുകയാണ്. ചാന്ദ്നി ചൗക്കില് കോണ്ഗ്രസിന്റെ അല്ക്ക ലാംബ പിന്നിലാണ്. ഗാന്ധിനഗറില് ബിജെപിയുടെ അനില് ബാജ്പേയിയും പിന്നിട്ടുനില്ക്കുകയാണ്.
രാവിലെ എട്ടുമണിയോടെയാണ് വോട്ടെണ്ണല് ആരംഭിച്ചത്. ഉച്ചയ്ക്ക് 12 മണിയോടെ സംസ്ഥാനം ആര്ക്കൊപ്പമെന്ന് വ്യക്തമാകും.