മോഹന്ലാലിന്റെ പുതിയ മുഖം; ‘മരക്കാര് അറബിക്കടലിന്റെ സിംഹ’ത്തിന്റെ ടീസര് പുറത്ത്
26 January 2020
ചരിത്ര പശ്ചാത്തലത്തിൽ മോഹന്ലാലിനെ നായകനാക്കി പ്രിയദര്ശന് സംവിധാനം ചെയ്യുന്ന ചിത്രം മരക്കാര് അറബിക്കടലിന്റെ സിംഹത്തിന്റെ ടീസര് പുറത്തുവിട്ടു. നിർമ്മാണ കമ്പനിയായ ആശിര്വാദ് സിനിമാസിന്റെ യൂട്യൂബ് ചാനലിലൂടെയാണ് ടീസര് പുറത്തുവിട്ടത്. സിനിമ മാര്ച്ച് 26 നാണ് തിയേറ്ററുകളില് എത്തുന്നത്.
പ്രധാനമായും വാഗമണ്, ഹൈദരാബാദ്, ബാദ്മി, രാമേശ്വരം എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷന്. മോഹൻ ലാലിന് പുറമെ നെടുമുടി വേണു, മഞ്ജു വാര്യര്, പ്രണവ് മോഹന്ലാല്, കല്ല്യാണി പ്രിയദര്ശന്, മുകേഷ്, സുനില് ഷെട്ടി തുടങ്ങിയ താരങ്ങളുടെ നീണ്ട നിര തന്നെ ചിത്രത്തിലുണ്ട്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരും കോണ്ഫിഡന്റ് ഗ്രൂപ്പും ചേർന്നാണ് നിർമ്മാണം.