മധ്യപ്രദേശില്‍ വനിതാ ഡെപ്യൂട്ടി കളക്ടറെ ബിജെപി പ്രവര്‍ത്തകര്‍ ആക്രമിച്ചു
20 January 2020
ഭോപ്പാല്‍: മധ്യപ്രദേശില്‍ വനിതാ ഡെപ്യൂട്ടികലക്ടറെ ബിജെപി പ്രവര്‍ത്തകര്‍ ആക്രമിച്ചു. പൗരത്വ ഭേദഗതി നിയമത്തെ പിന്തുണച്ച് നടത്തിയ പ്രകടനത്തിനിടെയാണ് ആക്രമണം. സംഭവത്തില്‍ ഒരാളെ പൊലീസ് അറസ്റ്റു ചെയ്തു. രാജ്ഗര്‍ ഡെപ്യൂട്ടി കലക്ടര്‍ പ്രിയ വര്‍മയെയാണ് ബിജെപി പ്രവര്‍ത്തകര്‍ കൈയേറ്റം ചെയ്തത്.
നിരോധനാജ്ഞ ലംഘിച്ച്‌ പ്രകടനം നടത്തിയവരെ തടയാന്‍ ശ്രമിച്ച പ്രിയ വര്‍മയെ വളഞ്ഞ പ്രവര്‍ത്തകര്‍ മുടി പിടിച്ച്‌ വലിക്കുകയും തള്ളിമാറ്റുകയുമായിരുന്നു. ഒരാള്‍ തന്നെ വലിച്ചിഴച്ചുവെന്നും അവര്‍ പരാതിപ്പെട്ടിരുന്നു. പ്രിയ വര്‍മയുടെ പരാതിയില്‍ രണ്ടുപേര്‍ക്കെതിരെ പൊലീസ് എഫ്.ഐ.ആര്‍ രജിസ്റ്റര്‍ ചെയ്തിരുന്നു. ഇതെ തുടര്‍ന്നാണ് അറസ്റ്റ്.
