കേരളത്തില് ലൗ ജിഹാദില്ല: ഡിജിപി ലോക്നാഥ് ബെഹ്റ
17 January 2020
കേരളത്തിൽ ലൗ ജിഹാദ് നടക്കുന്നു എന്നസീറോ മലബാർ സഭ മെത്രാൻ സിനഡിന്റെ ആരോപണം തള്ളി ഡിജിപി ലോക്നാഥ് ബെഹ്റ. സംസ്ഥാനത്തിൽ ലൗ ജിഹാദ് ഇല്ലെന്നും കഴിഞ്ഞ രണ്ട് വർഷത്തിനിടെ അത്തരം കേസുകളൊന്നും റിപ്പോർട്ട് ചെയ്തിട്ടില്ലെന്നും ഈ വിവരം ചൂണ്ടിക്കാട്ടി ന്യൂനപക്ഷ കമീഷന് റിപ്പോർട്ട് നൽകുമെന്നും അദ്ദേഹം പറഞ്ഞു.
കേരളത്തിൽ മതപരിവർത്തനം ലക്ഷ്യമിട്ട് ക്രിസ്ത്യൻ പെൺകുട്ടികളെ പ്രണയിച്ച് വിവാഹം കഴിച്ച് മതംമാറ്റുന്നുണ്ടെന്ന് സീറോ മലബാർ സഭ മെത്രാൻ സിനഡിൽ ആരോപണമുയർന്നിരുന്നു.ഇതിനെ തുടർന്ന് സീറോ മലബാർ സഭ സിനഡ് നൽകിയ കത്തിൻെറ അടിസ്ഥാനത്തിൽ ദേശീയ ന്യൂനപക്ഷ കമ്മീഷൻ സംസ്ഥാന ഡിജിപിയോട് വിശദീകരണം തേടിയിരുന്നു. അടുത്ത 21 ദിവസത്തിനകം വിഷയത്തെ കുറിച്ച് റിപ്പോർട്ട് നൽകണമെന്നായിരുന്നു നിർദ്ദേശം.