സിറിയയില്‍ തുര്‍ക്കിയുടെ വ്യോമാക്രമണം; 15 പേര്‍ കൊല്ലപ്പെട്ടു
10 October 2019
സിറിയയില്‍ തുര്‍ക്കി നടത്തിയ വ്യോമാക്രമണത്തില്‍ 15 പേര്‍ കൊല്ലപ്പെട്ടു. കുര്‍ദിഷ് പോരാളികള്‍ക്ക് നേരെയാണ് ആക്രമണം നടന്നത്. കുര്‍ദുകളുടെ നിയന്തന്ത്രണത്തിലുള്ള വടക്കുകിഴക്കന്‍ പ്രദേശത്താണ് ആക്രണനടത്തിയത്
കൊല്ലപ്പെട്ടവരില്‍ രണ്ടു സാധാരണക്കാരും ഉള്‍പ്പെട്ടതായി റിപ്പോര്‍ട്ടുകള്‍ പറയുന്നു. 40ഓളം പേര്‍ക്ക് പരിക്കേറ്റിട്ടുണ്ട്.
ഐഎസ് പോരാളികളെയും കുര്‍ദിഷ് തീവ്രവാദികളെയും ലക്ഷ്യമിട്ടാണ് ഓപ്പറേഷന്‍ പീസ് സ്പ്രിംഗെന്ന് തുര്‍ക്കി പ്രസിഡന്‍റ് എര്‍ദോഗന്‍ ട്വീറ്റു ചെയ്തു.
ആക്രമണം ആരംഭിച്ചതോടെ ആയിരക്കണക്കിന് ആളുകളാണ് കൂട്ടപലായനം നടത്തുന്നത്. തുര്‍ക്കിയും തുര്‍ക്കിയുടെ പിന്തുണയുള്ള ഫ്രീ സിറിയന്‍ നാഷണല്‍ ആര്‍മിയുമാണ് ആക്രമണം നടത്തുന്നത്.
