പാന്‍ കാര്‍ഡും ആധാറും തമ്മില്‍ ബന്ധിപ്പിക്കാനുള്ള തീയതി ഡിസംബര്‍ 31 വരെ നീട്ടി
29 September 2019
ഡല്‍ഹി: പാന്‍ കാര്‍ഡും ആധാറും തമ്മില്‍ ബന്ധിപ്പിക്കാനുള്ള തീയതി 2019 ഡിസംബര്‍ 31 വരെ നീട്ടി. സെപ്റ്റംബര്‍ 30 കാലാവധി അവസാനിക്കാനിരിക്കെയാണ് മൂന്നു മാസം കൂടി കാലാവധി നിശ്ചയിച്ച് കേന്ദ്രധമന്ത്രാലയം തീരുമാനമെടുത്തത്.
ആദായ നികുതി വകുപ്പിന്റെ വെബ്സൈറ്റിലൂടേയൊ എസ്.എം.എസിലൂടേയൊ പാന്‍ കാര്‍ഡും ആധാര്‍ കാര്‍ഡും തമ്മില്‍ ബന്ധിപ്പിക്കാം. എന്നാല്‍, പേരിലോ ജനനതീയതിയിലോ എന്തെങ്കിലും വ്യത്യാസമുണ്ടെങ്കില്‍ ഇത് സാധ്യമാവില്ല.
കഴിഞ്ഞ പൊതുബജറ്റില്‍ പാന്‍കാര്‍ഡ് ഇല്ലാത്തവര്‍ക്ക് ആധാര്‍ കാര്‍ഡ് ഉപയോഗിച്ച്‌ ആദായ നികുതി റിട്ടേണ്‍ ഫയല്‍ ചെയ്യാമെന്ന് കേന്ദ്രസര്‍ക്കാര്‍ അറിയിച്ചിരുന്നു.
