കൊച്ചുവേളി-ചണ്ഡിഗഢ് എക്സ്പ്രസിന് ഡൽഹിയിൽ വച്ച് തീപിടിച്ചു; യാത്രക്കാർ സുരക്ഷിതർ
6 September 2019
ന്യൂ ഡല്‍ഹി: ന്യൂഡല്‍ഹി റെയില്‍വേ സ്റ്റേഷനില്‍ വെച്ച് കൊച്ചുവേളി - ചണ്ഡിഗഢ് കേരള സമ്പർക്ക് ക്രാന്തി എക്സ്പ്രസിന് തീപിടിച്ചു. എട്ടാം നമ്പർ പ്ലാറ്റ്ഫോമിൽ നിർത്തിയിട്ടിരുന്ന ട്രയിനിന്റെ രണ്ടു ബോഗികള്‍ക്കാണ് തീപിടിച്ചത്. യാത്രക്കാർ സുരക്ഷിതരാണ്. എല്ലാവരെയും ട്രെയിനില്‍ നിന്ന് മാറ്റി.
എക്‌സ്പ്രസിന്റെ പിന്നിലുളള പവര്‍ കാറിലാണ് തീപിടിത്തമുണ്ടായത്. തുടര്‍ന്ന് പ്ലാറ്റ്ഫോമിലേക്കും തീപടര്‍ന്നു. അഗ്നിശമനസേനയുടെ നാലു യൂണിറ്റുകള്‍ സ്ഥലത്തെത്തിയാണ് തീയണച്ചത്. തീപിടിച്ച കാബിനുകള്‍ ഒഴിവാക്കി ട്രെയിന്‍ സര്‍വീസ് ആരംഭിച്ചതായി അധികൃതര്‍ അറിയിച്ചു.
