‘കാസര്കോടന് മെസി’; തേടിയെത്തുന്നത് ലോകോത്തരതാരങ്ങള്; വീഡിയോ…
ഫുട്ബാളില് മാന്ത്രിക പ്രകടനം കാഴ്ചവെക്കുന്ന 13കാരന് വിദേശ താരങ്ങളില്നിന്നടക്കം അഭിനന്ദന പ്രവാഹം. കാസര്കോട് ജില്ലയിലെ പരപ്പ ദേലംപാടി സ്വദേശി മഹ്റൂഫിന്റെ മിന്നും പ്രകടനമാണ് സമൂഹ മാധ്യമങ്ങളില് വൈറലായത്.
ഇവനെ ഇപ്പോള് തന്നെ ടീമിലെടുക്കണമെന്നാണ് കേരള ബ്ലാസ്റ്റേഴ്സ് മുന്താരം ഇയാന് ഹ്യൂം ഈ മിടുക്കന്റെ പ്രകടനം കണ്ടയുടന് ആവശ്യപ്പെട്ടത്. മൂന്നു കളിക്കരെ മറികടന്ന് ചെളിനിറഞ്ഞ മണ്ണില് ഗോള് നേടാന് സഹായിക്കുന്ന മഹ്റൂഫിന്റെ വീഡിയോ കേരള ബ്ലാസ്റ്റേഴ്സ് ആരാധരുടെ പേജില് ഷെയര് ചെയ്തതോടെയാണ് ഈ കൊച്ചുമിടുക്കന് വൈറലായത്.
കൂട്ടുകാരോടൊപ്പം മഴയത്തു കളിക്കാനിറങ്ങിയതായിരുന്നു മെഹ്റൂഫ്. പ്രതിരോധത്തില് തന്നെക്കാള് ഉയരമുള്ള മൂന്ന് താരങ്ങളെ അനായാസം മറികടന്നാണു മെഹറൂഫ് പന്തുമായി മുന്നേറുന്നത്. എതിരാളികളുടെ ഗോള് പോസ്റ്റിന് മൂലയില്നിന്നു സഹകളിക്കാരന് ഗോള് നേടാന് പാസും നല്കുന്നു. ഗോളിനു ശേഷമുള്ള ആഹ്ലാദവും കാണാം.