റംസാൻ: സംസ്ഥാനത്ത് സ്കൂൾ തുറക്കുന്നത് ജൂൺ ആറിലേക്ക് നീട്ടി

സംസ്ഥാനത്ത് സ്കൂൾ തുറക്കുന്ന തിയതി ജൂൺ ആറിലേക്ക് മാറ്റി. റംസാൻ എത്തുന്നത് പ്രമാണിച്ചാണ് മന്ത്രിസഭയുടെ തീരുമാനം. നേരത്തെ സ്കൂൾ തുറക്കുന്നത് നീട്ടി വെക്കണമെന്ന് പ്രതിപക്ഷം ആവശ്യപ്പെട്ടിരുന്നു. സ്‌കൂൾ തുറക്കാൻ തീരുമാനിച്ചിരുന്ന ദിവസത്തിനിടയിൽ ജൂൺ നാലിനോ അഞ്ചിനോ ചെറിയ പെരുന്നാൾ ആഘോഷിക്കാനുള്ള സാധ്യതയുള്ളതിനാലാണ് പ്രതിപക്ഷം സ്‌കൂൾ തുറക്കൽ തീയതി മാറ്റണമെന്ന് ആവശ്യപ്പെട്ടത്.

ആവശ്യവുമായി പ്രതിപക്ഷ നേതാക്കൾ മുഖ്യമന്ത്രിക്കും വിദ്യാഭ്യാസമന്ത്രിക്കും കത്ത് നൽകിയിരുന്നു. ജൂൺ മാസം മൂന്നിന് മധ്യവേനൽ അവധി കഴിഞ്ഞ് സ്‌കൂൾ തുറക്കാനാണ് വിദ്യാഭ്യാസ വകുപ്പ് നേരത്തെ തീരുമാനിച്ചിരുന്നത്.