ആംആദ്മിക്ക് വീണ്ടും തിരിച്ചടി; ഒരു എംഎൽഎ കൂടി പാർട്ടി വിട്ടു
പഞ്ചാബിൽ ആംആദ്മി എംഎൽഎ പാർട്ടി വിട്ടു. രൂപ്നഗർ മണ്ഡലത്തിലെ എംഎൽഎയായ അമർജിത്ത് സിംഗ് സന്ദോയാണ് മുഖ്യമന്ത്രി അമരീന്ദർ സിംഗിന്റെ സാന്നിധ്യത്തിൽ കോണ്ഗ്രസ് അംഗത്വം സ്വീകരിച്ചത്.
കോണ്ഗ്രസിന്റെ വികസന രാഷ്ട്രീയത്തിൽ താൽപര്യമുള്ളതുകൊണ്ടാണ് ഇവിടേക്ക് എത്തിയതെന്നും അമർജിത്ത് പ്രതികരിച്ചു. അതേസമയം, അദ്ദേഹത്തിന്റെ പാർട്ടി പ്രവേശം കോണ്ഗ്രസിന് ശക്തി പകരുമെന്ന് മുഖ്യമന്ത്രി അമരീന്ദർ സിംഗ് വ്യക്തമാക്കി.
കോണ്ഗ്രസിൽ ചേർന്നതിനു പിന്നാലെ എഎപിക്കെതിരേ രൂക്ഷ വിമർശനമാണ് അമർജിത്ത് നടത്തിയത്. പഞ്ചാബിനോട് എഎപി നേതൃത്വം ധിക്കാരപരമായ നിലപാടാണ് സ്വീകരിക്കുന്നതെന്ന് അദ്ദേഹം പറഞ്ഞു. കഴിഞ്ഞമാസം മൻസ മണ്ഡലത്തിലെ എഎപി എംഎൽഎ നാസര് സിംഗ് കോൺഗ്രസിൽ ചേര്ന്നിരുന്നു. ഈ മാസം 19നാണ് പഞ്ചാബിൽ തെരഞ്ഞെടുപ്പ് നടക്കുന്നത്.