യു.ഡി.എഫിന് 18 സീറ്റുകള് കിട്ടും: ലീഗ്
യു.ഡി.എഫിന് 17 മുതല് 18 സീറ്റുകള് വരെ കിട്ടുമെന്നു മുസ്ലീംലീഗ് വിലയിരുത്തല്. ഇത്തവണ ന്യൂനപക്ഷ വോട്ടുകള് വലിയ രീതിയില് യു.ഡി.എഫിന് ഗുണം ചെയ്തുവെന്നും സംസ്ഥാന സമിതി യോഗത്തിന് ശേഷം പി.കെ കുഞ്ഞാലിക്കുട്ടി മാധ്യമങ്ങളോട് പറഞ്ഞു.
മുസ്ലീംലീഗ് അഭിമാനപ്രശ്നമായി ഏറ്റെടുത്ത മണ്ഡലമായിരുന്നു വടകര. ഇവിടെ കണക്കുകൂട്ടലുകള് വിജയിച്ചുവെന്നും കെ.മുരളീധരന് വലിയ ഭൂരിപക്ഷത്തില് വിജയിക്കുമെന്നും കുഞ്ഞാലിക്കുട്ടി പറഞ്ഞു. മലപ്പുറത്ത് 2,10000 വോട്ടിന്റെ ഭൂരിപക്ഷം പി.കെ കുഞ്ഞാലിക്കുട്ടിക്ക് ലഭിക്കും.
ഏകദേശം 70,000 വോട്ടിന്റെ ഭൂരിപക്ഷം ഇടി.മുഹമ്മദ് ബഷീറിന് പൊന്നാനിയില്നിന്ന് ലഭിക്കുമെന്നും രാഹുല് ഗാന്ധിക്ക് വയനാട്ടില് രണ്ടര ലക്ഷം വോട്ടിന്റെ ഭൂരിപക്ഷം വരെ ലഭിക്കുമെന്നും കുഞ്ഞാലിക്കുട്ടി ചൂണ്ടിക്കാട്ടി. മാത്രമല്ല ശബരിമല വിഷയത്തില് സംസ്ഥാന സര്ക്കാര് കൈക്കൊണ്ട നിലപാട് യു.ഡി.എഫിന് വോട്ടായി മാറിയിട്ടുണ്ടെന്നും ലീഗ് വിലയിരുത്തല് നടത്തി.