പാകിസ്താൻ നൽകുന്നത് വലിയ പിന്തുണ; ഭീകരവാദികളെ കണ്ടെത്താൻ പാകിസ്താൻ്റെ സഹായം തേടും: ശ്രീലങ്ക
ശ്രീലങ്കയുടെ ഭീകരവാദത്തിനെതിരെയുള്ള പോരാട്ടത്തില് പാകിസ്താൻ വലിയ പിന്തുണയാണെന്നു വ്യക്തമാക്കി പ്രധാനമന്ത്രി റെനില് വിക്രമസിംഗെ. ആവശ്യമാണെങ്കില് ഭീകരവാദികളെ കണ്ടുപിടിക്കാനും അവരെ ഇല്ലായ്മ ചെയ്യന് പാപാകിസ്താൻ്റെ സഹായം തേടുമെന്നും ശ്രീലങ്കന് പ്രധാനമന്ത്രി ഹിന്ദുസ്ഥാന് ടൈംസിന് നല്കിയ പ്രത്യേക അഭിമുഖത്തിൽ വ്യക്തമാക്കി.
നമ്മുടെ രാജ്യത്ത് ആഗോളതീവ്രവാദികള് പ്രചരിക്കുന്നത് തടയാന് ഇന്ത്യ ശ്രമിക്കുന്നുണ്ട്. ഇത് ആദ്യമായാണ് ആഗോള തീവ്രവാദികള് ശ്രീലങ്കയില് സംഘട്ടനം നടത്തുന്നതെന്നും റെനില് വിക്രമസിംഗെ പറഞ്ഞു.ഭീകരാക്രമണത്തിന് പിന്നിലെ വിദേശബന്ധത്തെകുറിച്ച് അന്വേഷിക്കുമ്പോള് ഒരു പ്രത്യേക രാജ്യം ഇതിന് പിന്നില് പ്രവര്ത്തിച്ചതിനായി തെളിവുകള് ലഭിച്ചില്ലെന്നും അഭിമുഖത്തില് പറയുന്നു.
ഈസ്റ്റര് ദിനത്തില് ശ്രീലങ്കയിലെ കൊളംബോയില് സ്ഫോടനം നടത്തിയ രണ്ട് ചാവേറുകളുടെ പിതാവിനെ പൊലീസ് അറസ്റ്റ് ചെയ്തിരുന്നു. സുഗന്ധ വ്യജ്ഞന വ്യാപാരിയായ മുഹമ്മദ് യുസുഫ് ഇബ്രാഹിം ആണ് പൊലീസ് പിടിയിലായത്. സഫോടനത്തില് ചാവേറായ ഇംസാത് അഹമ്മദ് ഇബ്രാഹിം, ഇല്ഹാം ഇബ്രാഹിം എന്നിവരാണ് യുസുഫിന്റെ മക്കള്.