മാറിനൽക്കങ്ങോട്ട്: പോളിങ് ശതമാനത്തെ കുറിച്ച് ചോദിച്ച മാധ്യമപ്രവർത്താകരോട് മുഖ്യമന്ത്രി
മാധ്യമപ്രവര്ത്തകരോട് തട്ടിക്കയറി മുഖ്യമന്ത്രി പിണറായി വിജയന്. പോളിങ് ശതമാനത്തെക്കുറിച്ച് പ്രതികരണം ചോദിച്ച മാധ്യമപ്രവർത്തകരോട് ‘മാറിനില്ക്കങ്ങോട്ട്’ എന്നായിരുന്നു മുഖ്യമന്ത്രി പ്രതികരിച്ചത്. ചോദ്യത്തിന് അദ്ദേഹം മറുപടി നല്കിയുമില്ല.
എറണാകുളം സര്ക്കാര് ഗസ്റ്റ് ഹൗസില് തന്നെ കാത്തുനിന്ന മാധ്യമപ്രവര്ത്തകരോടായിരുന്നു മുഖ്യമന്ത്രിയുടെ പ്രതികരണം. ലോക്സഭാ തിരഞ്ഞെടുപ്പില് ഉയര്ന്ന പോളിങ് രേഖപ്പെടുത്തിയത് സംബന്ധിച്ചായിരുന്നു മാധ്യമപ്രവര്ത്തകരുടെ ചോദ്യം. ഇതിനോട് വളരെ ദേഷ്യത്തോടെയായിരുന്നു മുഖ്യമന്ത്രിയുടെ പ്രതികരണം. തുടര്ന്ന് അദ്ദേഹം കാറില് കയറി പോകുകയും ചെയ്തു.
മുന്പ് മുഖ്യമന്ത്രി മാധ്യമപ്രവര്ത്തകരോട് കടക്കു പുറത്ത് എന്ന് തട്ടിക്കയറിയ സംഭവം ഏറെ വിവാദങ്ങള്ക്കിടയാക്കിയിരുന്നു. 2017 ജൂലൈയില് മുഖ്യമന്ത്രിയും ബിജെപി നേതാക്കളുമായി തിരുവനന്തപുരത്ത് നടന്ന സമാധാന ചര്ച്ചയിലായിരുന്നു ഇത്.