പെരിയയിൽ കോൺഗ്രസ് നേതാവിന്‍റെ വീടിന് തീയിടാൻ ശ്രമം
24 February 2019
കാസർഗോഡ് പെരിയയിൽ അക്രമസംഭവങ്ങൾ തുടരുന്നു. ഞായറാഴ്ച പുലർച്ചെ കോൺഗ്രസ് നേതാവിന്‍റെ വീടിന് തീയിടാൻ ശ്രമമുണ്ടായി. കോണ്‍ഗ്രസ് ബ്ലോക്ക് പ്രസിഡന്റ് രാജന്‍ പെരിയയുടെ വീടിന് നേര്‍ക്കാണ് ആക്രമണം ഉണ്ടായത്.
കാറിന്‍റെ ചില്ലുകൾ അക്രമികൾ അടിച്ചു തകർക്കുകയും ചെയ്തു. സംഭവത്തെ തുടർന്ന് പോലീസ് സ്ഥലത്തെത്തി അന്വേഷണം തുടങ്ങി.
യൂത്ത് കോണ്‍ഗ്രസ് പ്രവര്‍ത്തകരുടെ കൊലപാതകത്തിന് ശേഷം പെരിയയിലും സമീപപ്രദേശങ്ങളിലും വ്യാപക ആക്രമണം അരങ്ങേറിയിരുന്നു. കൊലപാതകത്തിലെ മുഖ്യപ്രതി പീതാംബരന്റെ വീട് അക്രമികള്‍ നശിപ്പിക്കുകയും ചെയ്തിരുന്നു
