ഗുജറാത്തിൽ ബിജെപിക്ക് വെള്ളിടി; മുൻ ബിജെപി മന്ത്രി പാർട്ടിവിട്ട് കോൺഗ്രസിൽ ചേർന്നു
22 January 2019
രാജ്യത്ത് ലോക്സഭാ തെരഞ്ഞെടുപ്പ് ആസന്നമായിരിക്കെ ബിജെപിയെ ഞെട്ടിച്ച് കൂറുമാറ്റങ്ങൾ തുടരുന്നു. ഗുജറാത്തിൽ ബിജെപിക്കു കനത്ത തിരിച്ചടി നൽകികൊണ്ട് ബിജെപിയുടെ രണ്ട് നേതാക്കൾ പാർട്ടി വിട്ട് കോണ്ഗ്രസിൽ ചേർന്നു.
മുൻ ബിജെപി മന്ത്രി ബിമൽ ഷാ, മുൻ എംഎൽഎയായ അനിൽ പട്ടേൽ എന്നിവരാണ് കോണ്ഗ്രസിനൊപ്പം ചേർന്നത്. കോണ്ഗ്രസ് ആസ്ഥാനത്ത് നടന്ന ചടങ്ങിലാണ് ഇരുവരും പാർട്ടി അംഗത്വം സ്വീകരിച്ചത്.
മുതിർന്ന കോൺഗ്രസ് നേതാവ് അഹമ്മദ് പട്ടേലിന്റെ സാന്നിധ്യത്തിലായിരുന്നു ഇരുവരും കോൺഗ്രസിനൊപ്പം ചേർന്നത്.