വിഖ്യാത ചലച്ചിത്രകാരന് മൃണാള് സെന് അന്തരിച്ചു
വിഖ്യാത സംവിധായകന് മൃണാള് സെന് അന്തരിച്ചു. 95 വയസ്സായിരുന്നു. കൊല്ക്കത്തയിലെ വസതിയിലായിരുന്നു അന്ത്യം. ദാദാ സാഹെബ് ഫാല്ക്കെ അവാര്ഡും പത്മഭൂഷണും നല്കി രാജ്യം ആദരിച്ചിട്ടുണ്ട്. ഇന്ത്യന് പാരലല് സിനിമയുടെ അംബാസിഡറായാണ് അദ്ദേഹം അറിയപ്പെട്ടിരുന്നത്.
തന്റെ നീണ്ട സിനിമാ ജീവിതത്തില് 27 ഫീച്ചര് ചിത്രങ്ങള്, 14 ലഘുചിത്രങ്ങള്, 5 ഡോക്യുമെന്ററികള് തുടങ്ങിയവ സംവിധാനം ചെയ്തു. മികച്ച സംവിധാനത്തിനും തിരക്കഥയ്ക്കും ദേശീയ അവാര്ഡുകളും കാന്, വെനീസ്, ബര്ലിന്, മോസ്കോ, കയ്റോ, ഷിക്കാഗോ, മോണ്ട്രിയല് തുടങ്ങിയ രാജ്യാന്തര ചലച്ചിത്രമേളകളില് പുരസ്കാരങ്ങളും ലഭിച്ചു. നിരവധി വിദേശ ചലച്ചിത്രമേളകളില് ജൂറിയായി പ്രവര്ത്തിച്ചു.
1981ല് രാജ്യം പത്മഭൂഷനും 2005ല് ദാദാസാഹിബ് ഫാല്കെ പുരസ്കാരവും നല്കി ആദരിച്ചു. 1998 മുതല് 2003 വരെ പാര്ലമെന്റില് നാമനിര്ദേശം ചെയ്യപ്പെട്ട അംഗമായിരുന്നു. ഫ്രാന്സ് കമാന്ത്യൂര് ദ് ലോദ്ര് ദ ആര് എ ലാത്ര് പുരസ്കാരവും റഷ്യ ഓര്ഡര് ഓഫ് ഫ്രണ്ട്ഷിപ് പുരസ്കാരവും നല്കി ആദരിച്ചിട്ടുണ്ട്. വിവിധ സര്വകലാശാലകള് ഓണററി ഡോക്ടറേറ്റ് ബിരുദവും നല്കിയിട്ടുണ്ട്.