Categories: Breaking News

‘’റാഫേൽ വിമാന ഇടപാട് അഴിമതിയില്‍ നരേന്ദ്ര മോദിക്ക് നേരിട്ട് പങ്ക്’’; തെളിവുകള്‍ നിരത്തി നേതാക്കൾ

റാഫേൽ യുദ്ധവിമാന ഇടപാടിൽ പ്രധാനമന്ത്രി നരേന്ദ്ര മോദിക്ക് നേരിട്ട് പങ്കുണ്ടെന്ന് മുൻ ബി.ജെ.പി. നേതാക്കളായ യശ്വന്ത് സിൻഹ, അരുൺ ഷൂരി, പ്രമുഖ അഭിഭാഷകൻ പ്രശാന്ത് ഭൂഷൺ എന്നിവർ സംയുക്ത വാർത്താസമ്മേളനത്തിൽ ആരോപിച്ചു. നിക്ഷിപ്ത താത്പര്യത്തിന്റെപേരിൽ നിലവിലുള്ള കരാർ മാറ്റി പ്രധാനമന്ത്രി തിടുക്കത്തിൽ പുതിയ കരാറുണ്ടാക്കുകയായിരുന്നു.

പ്രതിരോധ ഇടപാടുകളിൽ വാങ്ങുന്ന സാധനങ്ങളുടെ എണ്ണം, പ്രത്യേകതകൾ, ഇനം തുടങ്ങിയവയിൽ തീരുമാനമെടുക്കേണ്ടത് ഡിഫെൻസ് സ്പെസിഫിക്കേഷൻ കമ്മറ്റിയും, ഡിഫെൻസ് അക്ക്വിസിഷൻ കൗണ്‍സിലുമാണ്. ഇവരെ മറികടന്നാണ് റാഫേലിൽ യു.പി.എ സർക്കാരിന്റെ കരാർ റദ്ദാക്കി പുതിയ കരാറുണ്ടാക്കിയത്.

മുൻ കരാർ പ്രകാരം 126 വിമാനങ്ങൾ ആയിരുന്നു വാങ്ങേണ്ടിയിരുന്നത്. സ്പെസിഫിക്കേഷൻ കമ്മിറ്റിയെയും അക്ക്വിസിഷൻ കൗൺസിലിനെയും അറിയിക്കുക പോലും ചെയ്യാതെ 36 വിമാനങ്ങൾ മാത്രം വാങ്ങാൻ പ്രധാനമന്ത്രി തീരുമാനമെടുക്കുകയായിരുന്നു. ഇത്തരത്തിൽ അധികാര പരിധിക്ക് പുറത്തുള്ള കാര്യത്തിൽ ഇടപെട്ടത് അഴിമതിയിൽ പ്രധാനമന്ത്രിക്ക് നേരിട്ട് പങ്കുണ്ടെന്നതിനു ഉദാഹരണം ആണ്. ഇത് മറച്ചുവെക്കാനാണ് കേന്ദ്ര സർക്കാരും റിലയൻസും കള്ളങ്ങൾ പ്രചരിപ്പിക്കുന്നതെന്നും യശ്വന്ത് സിൻഹയും അരുൺ ഷൂറിയും പ്രശാന്ത് ഭൂഷണും ആരോപിച്ചു.

ഇടപാട് രഹസ്യമാണ് എന്നാണ് സർക്കാർ ഇപ്പോൾ പറയുന്നത്. 2016 നവംബറിൽ പ്രതിരോധ സഹമന്ത്രി പാര്‍ലമെന്റിൽ റാഫേൽ വാങ്ങിക്കാൻ തീരുമാനമായി എന്നും ഒരു വിമാനത്തിന് 670 കോടി രൂപ ആണെന്നും പറഞ്ഞത് എങ്ങനെയാണ്. വിമാനത്തിന്റെ വില പിന്നീട് 1670 കോടി ആയതെങ്ങനെയാണ്. റിലയൻസ് ഡെസാൾട്ടിന്റെ ഫിനാൻഷ്യൽ സ്റ്റേറ്റ്മെന്റിലും വില പറഞ്ഞിട്ടുണ്ട്. പിന്നെയെന്ത് രഹസ്യ കരാറെന്നും അദ്ദേഹം ചോദിച്ചു.

വെറും രണ്ടുദിവസത്തിനകമാണ് നിലവിലുള്ള കരാർ മാറ്റി പ്രധാനമന്ത്രി പുതിയതിൽ ഏർപ്പെട്ടത്. വ്യോമസേനയുടെ ആവശ്യങ്ങൾ കണക്കിലെടുക്കാതെയും സാങ്കേതികവിദ്യ സ്വായത്തമാക്കാനുള്ള അവസരം എച്ച്.എ.എല്ലിന് നിഷേധിച്ചുമായിരുന്നു കരാർ. ‘മെയ്ക്ക് ഇൻ ഇന്ത്യ’ പദ്ധതി അനുസരിച്ച് ഇന്ത്യയിൽത്തന്നെ വിമാനം നിർമിക്കാനുള്ള സാങ്കേതികവിദ്യ കൈമാറാമെന്ന് ആദ്യകരാറിൽ വ്യവസ്ഥയുണ്ടായിരുന്നു. അവസാന നിമിഷംവരെ പുതിയ ഇടപാടുകളുടെ വിശദാംശങ്ങൾ അറിയിക്കാതെ പ്രതിരോധ-വിദേശകാര്യ മന്ത്രാലയങ്ങളെയും വ്യോമസേനയെയും പ്രധാനമന്ത്രി ഇരുട്ടിൽ നിർത്തി -നേതാക്കൾ ആരോപിച്ചു.

രാജ്യംകണ്ട ഏറ്റവും വലിയ പ്രതിരോധ അഴിമതിയാണ് റഫാൽ ഇടപാടെന്ന് അരുൺ ഷൂരി ആരോപിച്ചു. പ്രതിരോധമേഖലയിൽ മുൻ പരിചയമില്ലാത്ത റിലയൻസ് കമ്പനിയെ വഴിവിട്ട്‌ സഹായിക്കുന്നതിനാണ് പുതിയ കരാറുണ്ടാക്കിയത്. റിലയൻസ്-ദസോൾട്ട് എയ്‌റോസ്‌പേസ് എന്ന സംയുക്ത സംരംഭത്തിന് റഫാൽ ഇടപാട് നൽകിയത് അംബാനി മോദിക്കുനൽകിയ സേവനത്തിനുള്ള കമ്മിഷൻ എന്ന നിലയിലാണ്. ഈ ഇടപാടിൽ റിലയൻസ് വെറും ഇടനിലക്കാരാണ് -ഷൂരി പറഞ്ഞു.

Share
Published by
evartha Desk

Recent Posts

മുത്തലാഖ് ഇനി ക്രിമിനല്‍ കുറ്റം; ഓര്‍ഡിനന്‍സിന് മന്ത്രിസഭയുടെ അംഗീകാരം

മുത്തലാഖ് ക്രിമിനല്‍ കുറ്റമാക്കി കേന്ദ്ര സര്‍ക്കാര്‍ ഓര്‍ഡിനന്‍സ് പുറത്തിറക്കി. ഡിസംബറില്‍ ലോക്‌സഭ പാസാക്കിയ മുത്തലാഖ് ബില്ലില്‍ (ദ് മുസ്‌ലിം വിമന്‍ പ്രൊട്ടക്ഷന്‍ ഓഫ് റൈറ്റ്‌സ് ഇന്‍ മാര്യേജ്…

8 mins ago

ഇതാണോ ബി.ജെ.പിയുടെ ‘ഗോമാതാ’ സ്‌നേഹം?: മോദിയുടെ പരിപാടിക്കായി പശുക്കളെ’ ഗോശാലയില്‍നിന്നും ‘ഇറക്കിവിട്ടു’: വെള്ളവും ഭക്ഷണവും ലഭിക്കാതെ ചത്തൊടുങ്ങിയത് നിരവധി പശുക്കള്‍

പ്രധാനമന്ത്രി നരേന്ദ്രമോദിയുടെ വീഡിയോ കോണ്‍ഫറന്‍സ് തത്സമയം കാണിക്കുന്നതിന് സൗകര്യം ഒരുക്കാനായി ഗോശാലയില്‍നിന്നും മാറ്റി പാര്‍പ്പിച്ച നിരവധി പശുക്കള്‍ ചത്തു. സെപ്റ്റംബര്‍ 15 നായിരുന്നു സംഭവം. കേന്ദ്രസര്‍ക്കാരിന്റെ സ്വച്ഛത…

14 mins ago

‘വഴിയില്‍ കൂടി കടന്നു പോകുന്ന വിദ്യാര്‍ത്ഥിനികളെയടക്കം ഒരു സ്ത്രീയെയും ഇയാള്‍ വെറുതെ വിടുന്നില്ല’: കൊച്ചിയില്‍ ഡ്യൂട്ടിക്കിടയില്‍ സ്ത്രീകളെ സ്പര്‍ശിക്കുന്ന ഹോം ഗാര്‍ഡിന്റെ ദൃശ്യങ്ങള്‍

കൊച്ചി തേവര ലൂര്‍ദ് പള്ളിയുടെ മുന്നില്‍ ഡ്യൂട്ടിക്കിടയില്‍ സ്ത്രീകളെ സ്പര്‍ശിക്കുന്ന ഹോം ഗാര്‍ഡിന്റെ ദൃശ്യങ്ങള്‍ സമൂഹമാദ്ധ്യങ്ങളില്‍ വ്യാപകമായി പ്രചരിക്കുന്നു. വഴിയരികില്‍ നില്‍ക്കുകയായിരുന്ന ഇയാള്‍ കൈവീശി നിന്ന് സ്ത്രീകള്‍…

35 mins ago

മോഷ്ടിച്ച ബൈക്കില്‍ കറങ്ങി ആഡംബര ജീവിതം; ഡിജെയെന്ന് വിശ്വസിപ്പിക്കാന്‍ മോര്‍ഫ് ചെയ്ത ചിത്രങ്ങള്‍: കൊച്ചിയില്‍ രണ്ടുസെന്റ് കൂരയില്‍ താമസിക്കുന്ന ‘ഫേസ്ബുക്ക് ഫ്രീക്കന്‍’ കബളിപ്പിച്ചത് നിരവധി പെണ്‍കുട്ടികളെ

സ്റ്റാര്‍ ഹോട്ടലില്‍ ഡിജെയെന്ന വ്യാജേനേ നിരവധി പെണ്‍കുട്ടികളെയും സ്ത്രീകളെയും തട്ടിപ്പില്‍ വീഴ്ത്തിയിരുന്നയാളെ പൊലീസ് പിടികൂടി. എറണാകുളം സ്വദേശിയായ ഇരുപതുകാരനായ ഫയാസ് മുബീനാണ് പിടിയിലായത്. കോഴിക്കോട് ചേവായൂരില്‍ പതിനേഴുകാരിയെ…

54 mins ago

കുറച്ച് ഉപയോഗിച്ചിട്ടും വീട്ടില്‍ കറണ്ട് ബില്‍ കൂടുന്നുണ്ടോ?: എങ്കില്‍ കാരണമിതാണ്

കുറച്ച് ഉപയോഗിച്ചിട്ടും കറണ്ട് ബില്‍ കൂടാന്‍ കാരണമെന്താണെന്ന് പലരും തലപുകഞ്ഞ് ആലോചിക്കുന്ന കാര്യമാണ്. അധികം വൈദ്യുതി ചിലവില്ലാത്ത, രണ്ടോ മൂന്നോ പേര്‍ താമസിക്കുന്ന വീടുകളില്‍ നിന്നുപോലും സാധാരണ…

2 hours ago

‘അമ്മയോട് പറഞ്ഞിട്ടാണോ മോന്‍ ഇങ്ങോട്ട് കളിക്കാന്‍ വന്നത്’: ഇന്ത്യ പാക് പര്യടനത്തിനെത്തിയപ്പോള്‍ അന്ന് 16 വയസുള്ള സച്ചിനെ കളിയാക്കിയതിനെക്കുറിച്ച് വസിം അക്രം

ക്രിക്കറ്റ് ലോകം കണ്ട ഏറ്റവും മികച്ച താരങ്ങളാണ് സച്ചിനും വസിം അക്രവും. സച്ചിന്‍ ക്രിക്കറ്റില്‍ അരങ്ങേറ്റം കുറിക്കുന്നത് 1989 ലായിരുന്നുവെങ്കില്‍ അക്രം അതിനും അഞ്ച് വര്‍ഷം മുന്‍പേ…

2 hours ago

This website uses cookies.