Categories: gulf

യുഎഇയിലെ ഏറ്റവും പഴക്കമുള്ള മുസ്ലീം പള്ളി കണ്ടെത്തി

അബുദാബി: യുഎഇയില്‍ ആയിരത്തിലധികം വര്‍ഷങ്ങള്‍ പഴക്കമുള്ള മുസ്ലീം പള്ളി കണ്ടെത്തി. യുഎഇയിലെ അല്‍ എയ്ന്‍ പ്രദേശത്ത് നിര്‍മ്മാണത്തിലിരിക്കുന്ന ഷെയ്ഖ് ഖാലിഫ് പള്ളിയുടെ പരിസരത്തായാണ് പഴയ പള്ളിയുടെ അവശിഷ്ടങ്ങള്‍ കണ്ടെത്തിയത്.

യുഎഇയില്‍ കണ്ടെത്തിയതില്‍ ഏറ്റവും പുരാതനമായ പള്ളിയാണ് ഇതെന്ന് ഗവേഷകര്‍ പറയുന്നു. ഇസ്ലാമിന്റെ സുവര്‍ണ കാലഘട്ടമായ അബ്ബാസിദ് ഖലീഫത്തിന്റെ കാലത്ത് നിര്‍മ്മിച്ച മുസ്ലീം പള്ളിയാകാം ഇതെന്നാണ് കണക്കാക്കുന്നത്. മൂന്ന് കെട്ടിടങ്ങളുടെ അവശിഷ്ടങ്ങളും ഇവിടേക്കുള്ള പ്രത്യേക ജലപാതകളുമാണ് കണ്ടെത്തിയിരിക്കുന്നത്.

ഏകദേശം 3000 വര്‍ഷങ്ങളുടെ പഴക്കമുള്ള കനാല്‍ സംവിധാനവും ഉപയോഗിച്ചിട്ടുണ്ട്. കെട്ടിടങ്ങളുടെ ഭിത്തികള്‍ ചെളി ഉപയോഗിച്ച് നിര്‍മ്മിച്ചതാണ്. പള്ളികളുടെ ഭിത്തികളില്‍ എഴുതാറുള്ള പ്രത്യേക പ്രാര്‍ഥനകള്‍ ഇവിടെ രേഖപ്പെടുത്തിയിട്ടുണ്ട്. ഇതാണ് മുസ്ലീം പള്ളി തന്നെയാണിതെന്ന് ഉറപ്പിക്കാന്‍ സഹായിച്ചത്.

ഒന്‍പതാം നൂറ്റാണ്ടിലും പത്താം നൂറ്റാണ്ടിലും ഉപയോഗിച്ചിരുന്ന പ്രത്യേക പാത്രങ്ങളും കണ്ടെടുത്തിട്ടുണ്ട്. കാലപ്പഴക്കം നിര്‍ണ്ണയിക്കാന്‍ ഇവ ഉപയോഗപ്പെടുത്തി. മറ്റ് അറേബ്യന്‍ പ്രദേശങ്ങളില്‍ ഉപയോഗിച്ചിരുന്ന വസ്തുക്കളും ഗവേഷകര്‍ക്ക് ലഭിച്ചു.

യുഎഇയുടെ ഒരുകാലത്തെ പ്രൗഡിയും പാരമ്പര്യം വിളിച്ചോതുന്നതാണ് പള്ളിയുടെ കാലപ്പഴക്കം. മുന്‍പ് ലോകത്തെ പ്രമുഖ വാണിജ്യ കേന്ദമായിരുന്നു അല്‍ എയ്ന്‍ എന്നതിന്റെ തെളിവായാണ് ഗവേഷകര്‍ ഈ കണ്ടെത്തലുകളെ വിലയിരുത്തുന്നത്.

Share
Published by
evartha Desk

Recent Posts

ഉള്‍പാര്‍ട്ടി ജനാധിപത്യവും അച്ചടക്കവും ഉറപ്പാക്കുമെന്ന് മുല്ലപ്പള്ളി; കളത്തില്‍ ഇറങ്ങാന്‍ തീരുമാനിച്ചുവെന്ന് കെ. സുധാകരന്‍

പാര്‍ട്ടിയില്‍ ഉള്‍പാര്‍ട്ടി ജനാധിപത്യവും അച്ചടക്കവും ഉറപ്പാക്കുമെന്ന് നിയുക്ത കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍. യുവാക്കളെയും പരിചയ സമ്പന്നരെയും ഉള്‍ക്കൊണ്ട് മുന്നോട്ട് പോകുമെന്നും അദ്ദേഹം മാധ്യമങ്ങളോട് പറഞ്ഞു. ജനാധിപത്യ…

14 hours ago

ഫ്രാങ്കോ മുളക്കലിനെ ജലന്ധര്‍ രൂപതയുടെ ചുമതലകളില്‍ നിന്ന് ഒഴിവാക്കി: ക്രൈംബ്രാഞ്ച് ഓഫീസിനു മുന്നില്‍ ഫ്രാങ്കോയുടെ കോലം കത്തിച്ച് എഐവൈഎഫ് പ്രതിഷേധം

ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ രൂപതയുടെ ചുമതലകളില്‍ നിന്ന് താല്‍ക്കാലികമായി മാറ്റി. ബിഷപ്പിന്റെ ആവശ്യം പരിഗണിച്ചാണ് തീരുമാനമെന്ന് സിബിസിഐ അധ്യക്ഷന്‍ വ്യക്തമാക്കി. മുംബൈ ബിഷപ് എമിരറ്റിസ് (ആക്‌സിലറി)…

15 hours ago

ഇനി മുതല്‍ വാഹനം അപകടത്തില്‍പ്പെട്ടാല്‍ ഇന്‍ഷുറന്‍സ് ക്ലെയിമിനും മറ്റും ‘ജിഡി എന്‍ട്രിക്ക്’ വേണ്ടി പൊലീസ് സ്റ്റേഷനില്‍ പോകേണ്ട

വാഹനാപകടങ്ങള്‍ സംബന്ധിച്ച കേസുകളില്‍ ഇന്‍ഷുറന്‍സ് ക്ലെയിമിനും മറ്റും പൊലീസ് സ്റ്റേഷനിലെ ജിഡി (ജനറല്‍ ഡയറി) എന്‍ട്രി ആവശ്യമായി വരാറുണ്ട്. ഇനി ജിഡി എന്‍ട്രിക്ക് വേണ്ടി സ്റ്റേഷനില്‍ എത്തേണ്ട…

16 hours ago

എംഎല്‍എ ഹോസ്റ്റലിലെ പീഡനം: ഡിവൈഎഫ്‌ഐ നേതാവിനെതിരെ തെളിവ്

യുവ ഡിവൈഎഫ്‌ഐ പ്രവര്‍ത്തകയോട് അപമര്യാദയായി പെരുമാറിയ ഡിവൈഎഫ്‌ഐ നേതാവ് ജീവന്‍ലാലിനെതിരെ തെളിവുകള്‍. ജീവന്‍ലാല്‍ എംഎല്‍എ ഹോസ്റ്റലില്‍ പീഡനശ്രമം നടന്ന ദിവസം താമസിച്ചതിനുള്ള തെളിവുകളാണ് പോലീസിന് ലഭിച്ചത്. ഇരിങ്ങാലക്കുട…

16 hours ago

ബിഗ് ബോസ് റിയാലിറ്റി ഷോയില്‍ നിന്ന് ശ്രീശാന്തിന് ‘പണികിട്ടി’: 50 ലക്ഷം രൂപ പിഴ അടക്കേണ്ടി വരും

സല്‍മാന്‍ ഖാന്‍ അവതാരകനാകുന്ന ബിഗ് ബോസ് റിയാലിറ്റി ഷോയില്‍ നിന്ന് ഒഴിയുകയാണെങ്കില്‍ മുന്‍ ഇന്ത്യന്‍ ക്രിക്കറ്റ് താരം ശ്രീശാന്ത് 50 ലക്ഷം രൂപ പിഴ അടക്കേണ്ടി വരും.…

16 hours ago

5000 ജൂനിയര്‍ ആര്‍ട്ടിസ്റ്റുകള്‍, നൂറു കണക്കിന് കാറുകള്‍: പൃഥ്വിരാജിന്റെ ‘ലൂസിഫറി’ലെ മെഗാ മാസ് രംഗം ഷൂട്ട് ചെയ്യാന്‍ മാത്രം ചിലവ് രണ്ടരക്കോടി രൂപ

മോഹന്‍ലാല്‍ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന സിനിമയാണ് ലൂസിഫര്‍. യുവ സൂപ്പര്‍സ്റ്റാര്‍ പൃഥ്വിരാജ് ആദ്യമായി സംവിധാനം ചെയ്യുന്ന സിനിമയാണ് എന്നതുകൂടിയാണ് ആ കാത്തിരിപ്പിന്റെ കാരണം. ചിത്രത്തിന്റെ ഷൂട്ടിങ്ങ്…

17 hours ago

This website uses cookies.