World

കേരളത്തിന് സഹായ വാഗ്ദാനവുമായി നെതര്‍ലന്റ്‌സ്;ഇന്ത്യക്ക് കത്ത് നല്‍കി

തിരുവനന്തപുരം: പ്രളയക്കെടുതി നേരിടുന്ന കേരളത്തെ സഹായിക്കാമെന്ന വാഗ്ദാനവുമായി നെതര്‍ലന്റ്‌സ് ഇന്ത്യക്ക് കത്ത് നല്‍കി. സാങ്കേതിക സഹായമാണ് വാഗ്ദാനം ചെയ്തിരിക്കുന്നത്. വിദഗ്ധ ടീമിനെ കേരളത്തിലേക്ക് അയയ്ക്കാമെന്നാണ് നെതര്‍ലന്റ്സിന്റെ വാഗ്ദാനം.

കേരളത്തിലെ സാഹചര്യം പഠിക്കാന്‍ ഇവരുടെ സഹായം പ്രയോജനപ്പെടുത്താന്‍ സാധിക്കും. വിവിധ നിര്‍ദ്ദേശങ്ങള്‍ സര്‍ക്കാരിന് സമര്‍പ്പിക്കാനും ഈ സംഘത്തിന് കഴിയും. നെതര്‍ലന്റ്‌സ് തന്നെ വികസിപ്പിച്ച ചില സാങ്കേതിക വിദ്യകള്‍ ഇന്ത്യയ്ക്ക് കൈമാറാന്‍ തയ്യാറാണെന്നും ഇവര്‍ പറയുന്നു. ഇത് ചര്‍ച്ച ചെയ്യാന്‍ തയ്യാറാണെന്നും കത്തില്‍ വ്യക്തമാക്കുന്നു.