കാലവര്ഷക്കെടുതിയില് കാഴ്ച കാണാന് പോകരുത്; സെല്ഫിയല്ല ജീവനാണ് വലുത്: മുന്നറിയിപ്പുമായി മുഖ്യമന്ത്രി
തിരുവനന്തപുരം: ഡാമുകളെല്ലാം തുറന്ന സാഹചര്യത്തില് ജലപ്രവാഹം കാണാനോ സെല്ഫിയെടുക്കാനോ ശ്രമിക്കരുതെന്ന മുന്നറിയിപ്പുമായി മുഖ്യമന്ത്രി പിണറായി വിജയന്. സെല്ഫിയല്ല ജീവനാണ് വലുത്, കാഴ്ച കാണാന് പോകരുതെന്ന് അദ്ദേഹം ഫെയ്സ്ബുക്ക് പോസ്റ്റിലൂടെ ആവശ്യപ്പെടുന്നു.
ഫെയ്സ്ബുക്ക് പോസ്റ്റ്
കേരളം സമീപകാലത്തൊന്നും നേരിട്ടിട്ടില്ലാത്ത രൂക്ഷമായ കാലവര്ഷക്കെടുതിയാണ് നേരിടുന്നത്. ജനങ്ങളുടെ ജീവിതം ദു:സ്സഹമാക്കി പല പ്രദേശങ്ങളും വെള്ളത്തിനടിയിലായി. ഇത്രയധികം ഡാമുകള് നിറഞ്ഞു കവിയുകയും തുറന്നു വിടുകയും ചെയ്തത് അപൂര്വ്വമാണ്.
കെടുതി നേരിടാനുള്ള സര്ക്കാറിന്റെ ശ്രമങ്ങളോട് അനുകൂലമായാണ് പ്രതികരിച്ചത്. എന്നാല് ചുരുക്കം ചിലര് കാഴ്ച കാണാനും സെല്ഫി എടുക്കാനുമുള്ള അവസരമാക്കി ഇതിനെ മാറ്റാന് ശ്രമിക്കുകയാണ്. കാഴ്ച കാണാനും ഫോട്ടോ എടുക്കാനും ഉള്ള എല്ലാ യാത്രകളും നിര്ബന്ധമായും ഒഴിവാക്കണമെന്ന് അത്തരക്കാരോട് ഒരിക്കല് കൂടി അഭ്യര്ത്ഥിക്കുന്നു.