പെരുമ്പാവൂരില് കാറും ബസ്സും കൂട്ടിയിടിച്ച് അഞ്ച് മരണം;അപകടത്തിൽ പെട്ടത് സുഹൃത്തിനെ ഗള്ഫിലേക്ക് യാത്രയാക്കാന് പോയ സംഘത്തിന്റെ കാര്.
പെരുമ്പാവൂരിൽ കാറും ബസും കൂട്ടിയിടിച്ചുണ്ടായ അപകടത്തിൽ അഞ്ചുപേർ മരിച്ചു. ഇടുക്കി ഏലപ്പാറ സ്വദേശികളാണു അപകടത്തിൽപ്പെട്ടത്. ജെറിൻ (22), ഉണ്ണി (20), വിജയൻ, കിരൺ (21), ജിനീഷ് (22) എന്നിവരാണ് മരിച്ചത്.
വ്യാഴാഴ്ച പുലർച്ചെ രണ്ടിനായിരുന്നു അപകടം. പരിക്കേറ്റ ജിബിൻ, സുജിത് എന്നിവരെ സമീപത്തെ ആശുപത്രിയിൽ പ്രവേശിപ്പിച്ചു. ജിബിന്റെ നില ഗുരുതരമാണെന്ന് ആശുപത്രി അധികൃതർ അറിയിച്ചു. ജിബിനെ വിദേശത്തേക്ക് യാത്രയാക്കാൻ പോകും വഴിയാണ് അപകടമുണ്ടായത്. ഏഴു പേരാണ് കാറിലുണ്ടായിരുന്നത്. മൃതദേഹങ്ങൾ സാൻജോ ആശുപത്രിയിലും പെരുന്പാവൂർ താലൂക്കാശുപത്രിയിലുമായി സുക്ഷിച്ചിരിക്കുകയാണ്.
ലോറിയെ ഓവര്ടേക്ക് ചെയ്ത് കുതിക്കുകയായിരുന്ന കാര് ബസ്സിലേക്ക് ഇടിച്ചുകയറുകയായിരു എന്നാണ് റിപ്പോര്ട്ടുകള്. മരിച്ച ജെറിന്റെ സഹോദരന് ആണ് ജിബിന്.