വയനാട് ചുരത്തിൽ ഗതാഗതം പൂർണമായി നിരോധിച്ചു
17 June 2018
വയനാട് ചുരത്തിൽ ഗതാഗതം പൂർണമായി നിരോധിച്ചു. ചുരത്തിൽ കനത്ത മഴ തുടരുന്ന സാഹചര്യത്തിലാണു തീരുമാനം. ഇന്നു രാവിലെയും ചുരത്തിൽ കനത്ത മണ്ണിടിച്ചിലുണ്ടായിരുന്നു. കോഴിക്കോട് ജില്ലാ കളക്ടറാണ് നിരോധനം ഏര്‍പ്പെടുത്തിയത്.
എങ്കിലും കോഴിക്കോട് നിന്നുള്ള കെ.എസ്.ആര്‍.ടി.സികള്‍ ചിപ്പിലിത്തോട് വരെയും വയനാട് നിന്നുള്ളവ 29ാം മൈല്‍ വരെയും ഷട്ടില്‍ സര്‍വീസ് നടത്തും. ചുരത്തില്‍ മണ്ണിടിഞ്ഞ് അപകടാവസ്ഥയിലായപ്പോഴും ചെറിയ വാഹനങ്ങളെ കടത്തിവിട്ടിരുന്നു.
നിലവിലെ സ്ഥിതിയില്‍ ചെറിയ വാഹനങ്ങള്‍ പോകുന്നതും അപകമുണ്ടാക്കുമെന്ന് കണ്ടെത്തിയതിനെ തുടര്‍ന്നാണ് ചുരത്തില്‍ കെ.എസ്.ആര്‍.ടി.സി ഒഴികെ മറ്റെല്ലാ വാഹനങ്ങള്‍ക്കും നിരോധനമേര്‍പ്പെടുത്താന്‍ തീരുമാനിച്ചത്.
