വെള്ളം തെറിപ്പിച്ചെന്നാരോപിച്ച് ബൈക്ക് യാത്രികരായ യുവാക്കള്ക്ക് ക്രൂരമര്ദ്ദനം; യുവാവിന്റെ കേള്വി നഷ്ടപ്പെട്ടു; സംഭവം കോട്ടയത്ത്
17 June 2018
കോട്ടയം: ചങ്ങനാശ്ശേരി-ആലപ്പുഴ റോഡില് ബൈക്ക് യാത്രികരായ യുവാക്കള്ക്ക് മര്ദ്ദനമേറ്റു. ബൈക്ക് ഓടിച്ചപ്പോള് വെള്ളം തെറിപ്പിച്ചെന്നാരോപിച്ചാണ് ഇവരെ മര്ദ്ദിച്ചത്. വെള്ളിയാഴ്ചയായിരുന്നു സംഭവം.
മുണ്ടക്കയം കൂട്ടിക്കൽ സ്വദേശികളായ തൗഫാൻ, റഫീഖ് എന്നിവർക്കാണു മർദ്ദനമേറ്റത്. ആലപ്പുഴയിലേക്കു ബൈക്കിൽ പോവുകയായിരുന്ന യുവാക്കൾ വെള്ളം തെറിപ്പിച്ചെന്ന് ആരോപിച്ച്, പിന്നാലെയെത്തിയ സംഘം വഴിയിൽ തടഞ്ഞുനിർത്തി മർദ്ദിക്കുകയായിരുന്നു. മർദ്ദനമേറ്റ തൗഫാന്റെ കേൾവിക്കു തകരാർ സംഭവിച്ചു.
ഭയം മൂലമാണു സംഭവം ഇതുവരെ പുറത്തുപറയാതിരുന്നതെന്നും ദൃശ്യങ്ങൾ ലഭ്യമായതോടെ പോലീസിൽ പരാതി നൽകുമെന്നും മർദനമേറ്റ യുവാക്കൾ പറഞ്ഞു.