ഒഎല്എക്സില് ഇന്ദിരാഭവന് വില്പനയ്ക്ക്
ഒഎല്എക്സില് ഇന്ദിരാഭവന് വില്പനയ്ക്ക് വെച്ച് കോണ്ഗ്രസ് പ്രവര്ത്തകന്. തിരുവനന്തപുരം വെള്ളയമ്പലത്തുള്ള കെപിസിസി ആസ്ഥാനമായ ഇന്ദിരാഭവനാണ് അജയ് എസ് മേനോന് എന്ന കോണ്ഗ്രസ് പ്രവര്ത്തകന് ഒഎല്എക്സില് വില്പനയ്ക്ക് വെച്ചത്.
പതിനായിരം രൂപയാണ് കെട്ടിടത്തിന് വിലയിട്ടിരിക്കുന്നത്. രാജ്യസഭാ സീറ്റ് കോണ്ഗ്രസിന് നല്കിയതില് പ്രതിഷേധം പുകയുന്നതിനിടെയാണ് ഇത്. കെട്ടിടത്തിന്റെ ചിത്രം ഉള്പ്പെടെയാണ് പരസ്യം നല്കിയിരിക്കുന്നത്. കോണ്ഗ്രസ് ആസ്തി വില്പ്പനയ്ക്ക് എന്ന പദ്ധതിയുടെ ഭാഗമായാണ് ഈ വില്പ്പനയെന്ന് ഒഎല്എക്സ് പരസ്യത്തില് പറയുന്നു.
ഇവിടെ എല്ലാവിധ ഫര്ണിച്ചറുകളുമുണ്ടെന്നും വാങ്ങുന്നവര്ക്ക് ഉടന് ഏറ്റെടുക്കാനാകുമെന്നും പരസ്യത്തില് പറയുന്നു. കോണ്ഗ്രസിനകത്ത് വലിയ തോതിലുള്ള പ്രതിഷേധമാണ് രാജ്യസഭാ സീറ്റ് കേരളകോണ്ഗ്രസിന് നല്കിയതില് ഉയര്ന്നത്. ഉമ്മന്ചാണ്ടിയുടേയും ചെന്നിത്തലയുടേയും ചിത്രങ്ങളില് കരി ഓയിലൊഴിച്ചും കോലം കത്തിച്ചുമൊക്ക പ്രവര്ത്തകര് പ്രതിഷേധിച്ചിരുന്നു.