കുട്ടികള്ക്കൊപ്പം സ്നേഹം പങ്കിട്ട് മമ്മൂട്ടി: വൈറലായി ‘അബ്രഹാമിന്റെ സന്തതികളു’ടെ ലൊക്കേഷന് വീഡിയോ
29 May 2018
കുട്ടികള്ക്കൊപ്പം സ്നേഹം പങ്കിട്ട് നില്ക്കുന്ന മമ്മൂട്ടിയുടെ ഒരു വീഡിയോയാണ് ആരാധകര് ഏറ്റെടുത്തിരിക്കുന്നത്. അബ്രഹാമിന്റെ സന്തതികള് എന്ന ചിത്രത്തിന്റെ ലൊക്കേഷനില് നിന്നുള്ള ദൃശ്യങ്ങളാണ് ഇത്. ഷാജി പാടൂര് സംവിധാനം ചെയ്യുന്ന ചിത്രത്തില് ഡെറിക് എബ്രഹാമെന്ന പൊലീസ് ഓഫീസറായിട്ടാണ് മമ്മൂട്ടി വേഷമിടുന്നത്. ആന്സണ് പോള് മമ്മൂട്ടിക്കൊപ്പം പ്രധാന വേഷത്തിലെത്തുന്നു.
കനിഹ, സിദ്ദിഖ്, രഞ്ജി പണിക്കര്, കലാഭവലന് ഷാജോണ് തുടങ്ങിയവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു. ഗ്രേറ്റ് ഫാദറിന്റെ സംവിധായകനായിരുന്ന ഹനീഫ് അദേനിയാണ് അബ്രഹാമിന്റെ സന്തതികള്ക്ക് തിരക്കഥ ഒരുക്കുന്നത്. ഗോപി സുന്ദറാണ് പശ്ചാത്തല സംഗീതം. ഗുഡ് വില് എന്റര്ടെയ്ന്മെന്റിന്റെ ബാനറില് ജോബി ജോര്ജാണ് ചിത്രം നിര്മ്മിക്കുന്നത്.