എന്‍റെ ശവമടക്കിനുപോലും ട്രംപ് വരരുത്: ജോണ് മക്കെയ്ൻ
വാഷിംഗ്ടണ്‍: യുഎസ് പ്രസിഡന്‍റ് ഡോണൾഡ് ട്രംപ് തന്‍റെ ശവമടക്ക് ചടങ്ങിൽപോലും പങ്കെടുക്കരുതെന്ന് യുഎസ് സെനറ്റർ ജോണ് മക്കെയ്ൻ. ബ്രെയിന്‍ കാൻസർ ബാധിച്ച് ചികിത്സയിൽ കഴിയുന്നതിനിടെയാണ് മക്കെയ്ന്‍റെ പരാമർശമെന്ന് യുഎസ് മാധ്യമങ്ങൾ റിപ്പോർട്ട് ചെയ്യുന്നു.
മാരകമായ അർബുദം ബാധിച്ചതിനെ തുടർന്ന് ഒരു വർഷമായി മക്കെയ്ൻ ചികിത്സയിലാണ്. ഇപ്പോൾ അരിസോണയിലെ വീട്ടിലാണ് അദ്ദേഹമുള്ളത്. തന്‍റെ ശവമടക്കിന് ട്രംപ് പങ്കെടുക്കരുതെന്നു മാത്രമല്ല, വൈറ്റ് ഹൗസിനെ പ്രതിനിധീകരിച്ച് വൈസ് പ്രസിഡന്‍റ് മൈക്ക് പെൻസ് പങ്കെടുത്താൻ മതിയെന്നും അദ്ദേഹം പറഞ്ഞതായി ദി ന്യുയോർക്ക് ടൈംസും എൻബിസി ന്യൂസും റിപ്പോർട്ട് ചെയ്യുന്നു.
അരിസോണയിൽനിന്നുള്ള സെനറ്ററായ മക്കെയ്ൻ അമേരിക്കൻ പ്രസിഡന്‍റ് തെരഞ്ഞെടുപ്പിൽ റിപ്പബ്ലിക്കൻ പാർട്ടി സ്ഥാനാർഥിയായിരുന്നു.
