അമല പോളിന്റെ ശീര്‍ഷാസനം: വീഡിയോ
യോഗയാണ് തന്റെ ശരീരത്തിന്റെ രഹസ്യമെന്ന് അമല പോള്‍ നേരത്തെ തന്നെ പറഞ്ഞിട്ടുണ്ട്. എന്നാല്‍ യോഗ ചെയ്യുന്നത് എത്രത്തോളം ബുദ്ധിമുട്ടേറിയതാണെന്ന് മനസ്സിലാക്കിയിട്ടുണ്ടെന്നും അമല പറയുന്നു. ശീര്‍ഷാസനം സ്വന്തമായി ചെയ്യാനായതിന്റെ സന്തോഷത്തിലാണ് അമലയിപ്പോള്‍.
പാര്‍ക്കില്‍ സ്വന്തമായി ശീര്‍ഷാസനം ചെയ്യുന്ന വീഡിയോ അമല തന്നെയാണ് പുറത്തുവിട്ടത്. ‘ഇതിന് മുമ്പ് പരിശീലകരുടെ സഹായത്തോടെയോ ഭിത്തിയുടെ പിന്തുണയോടെയോ ആണ് ശീര്‍ഷാസനം ചെയ്യാനായിരുന്നത്. എന്നാല്‍ ഇപ്പോള്‍ അത് സ്വന്തമായി ചെയ്തിരിക്കുന്നു.’അമല കുറിച്ചു.
‘സ്വന്തമായി തന്നെയാണ് പരിശീലനം നടത്തിയത്. വളരെ ബുദ്ധിമുട്ടേറിയതായിരുന്നു അത്, ഒരുപാട് തവണ വീണിട്ടുണ്ട്. എന്നാല്‍ ഇന്ന് പ്രകൃതിയുടെ മടിത്തട്ടിലിരുന്ന് ഞാന്‍ അത് ചെയ്തു, യാതൊരു ബുദ്ധിമുട്ടും കൂടാതെ. ഞാന്‍ എഴുന്നേറ്റുനിന്നു, എന്റെ കാലുകള്‍ കൊണ്ടല്ല, തല ഉപയോഗിച്ച്. സന്തോഷം കൊണ്ട് എന്റെ കണ്ണുകള്‍ നിറഞ്ഞു. അതിന്റെ ആകാംക്ഷയില്‍ കൊച്ചുകുട്ടിയെപ്പോലെ പാര്‍ക്കില്‍ ഓടി നടന്നു.’,അമല പറഞ്ഞു.
