സെക്‌സ് ക്ലബുമായി ദമ്പതികള്‍; പ്രവേശനം ദമ്പതികള്‍ക്കും അവിവാഹിതരായ സ്ത്രീകള്‍ക്കും
സെക്‌സ് ക്ലബുമായി ദമ്പതികള്‍. 31കാരനായ ലോറന്‍സും 25കാരിയായ ജെസുമാണ് മറ്റ് ദമ്പതികളുമായി സെക്‌സിലേര്‍പ്പെടുന്നത്. 5 വര്‍ഷം മുമ്പാണ് ഇവര്‍ ഇത് ഒരു ബിസിനസാക്കുകയും സെക്‌സ് ക്ലബ് തുടങ്ങുകയും ചെയ്തത്. ദമ്പതികള്‍ക്കും അവിവാഹിതരായ സ്ത്രീകള്‍ക്കും മാത്രമാണ് പ്രവേശനം. അവിവാഹിതരായ പുരുഷന്‍മാര്‍ക്ക് ക്ലബിനുള്ളിലേക്ക് പ്രവേശനം അനുവദിക്കില്ല.
മറ്റുള്ളവരുമായുള്ള ഈ ബന്ധത്തിലൂടെ തങ്ങളുടെ അഞ്ച് വര്‍ഷത്തെ ബന്ധം കൂടുതല്‍ ദൃഢമാകുകയാണ് ചെയ്തതെന്ന് ദമ്പതികള്‍ പറയുന്നു. പരസ്പര വിശ്വാസവും ആശയവിനിമയവും മെച്ചപ്പെട്ടു. ലോറന്‍സും ജെസും പറയുന്നു. ഞങ്ങളുടേത് എല്ലാവരും മനസിലാക്കിയ ബന്ധമായിരുന്നില്ല. പക്ഷേ ഞങ്ങള്‍ സെക്‌സ് ശരിക്കും ആസ്വദിച്ചു. മറ്റുള്ളവരുടെ കൂടെ ആകുമ്പോഴാണ് അത് ശരിക്കും ആസ്വാദകരമാകുന്നത്. ശരിക്കും ഒരു കളി പോലെയാണ് സെക്‌സ്. ജെസ് വ്യക്തമാക്കുന്നു.
തന്റെ ഇത്തരത്തിലുള്ള ജീവിതം മാതാപിതാക്കള്‍ സ്വീകരിക്കുമോ എന്ന ഭയം ജെസിന് ഉണ്ടായിരുന്നു. തങ്ങളുടെ താല്‍പ്പര്യം ഇതാണെന്നും ഇതിന് വേണ്ടി ഒരു ക്ലബ് തുടങ്ങിയെന്നും ജെസ് മാതാപിതാക്കളെ അറിയിച്ചു. ആദ്യം വിലക്കിയെങ്കിലും മകളുടെ ആഗ്രഹത്തിന് പിന്തുണയായി അവരും ഒപ്പം നിന്നു.
വ്യാഴം, വെള്ളി, ശനി ദിവസങ്ങളിലാണ് ഇവരുടെ ക്ലബ് തുറക്കുക. 100 മുതല്‍ 200 ഡോളര്‍ വരെയാണ് ക്ലബിലെ ഒരു രാത്രിക്ക് ദമ്പതികള്‍ നല്‍കേണ്ടത്. ക്ലബില്‍ അംഗങ്ങളായിട്ടുള്ളവര്‍ക്ക് പക്ഷേ ഈ തുക പോലും വേണ്ട. അവിവാഹിതരായ സ്ത്രീകള്‍ക്ക് 20 മുതല്‍ 50 ഡോളര്‍ വരെയാണ് തുക. പ്രവേശനം ലഭിക്കുന്നവര്‍ക്ക് കോണ്ടം, ലൂബ്രിക്കന്റ്‌സ്, ടവലുകള്‍, ലോക്കര്‍ തുടങ്ങിയവ സൗജന്യമായി ലഭിക്കും.
എല്ലാ നിയമങ്ങളും പാലിച്ചാണ് ഈ ദമ്പതികള്‍ ക്ലബ് തുടങ്ങിയത്. ചിത്രീകരണം, വേശ്യാവൃത്തി, ലഹരിമരുന്ന് ഉപയോഗം എന്നിവ പൂര്‍ണമായും നിരോധിച്ചതാണ് ലോറന്‍സ്-ജെസി ദമ്പതികളുടെ ക്ലബ്. ഏറ്റവും പ്രധാന നിയമം സ്ത്രീയുടെയും പുരുഷന്റെയും സമ്മതമാണെന്ന് ലോറന്‍സ് പറയുന്നു. ഒരു സ്ത്രീയുടെ സമ്മതമില്ലാതെ അവരെ തൊടാന്‍ പോലും അനുവദിക്കില്ല.
