അമേരിക്കൻ സമ്മർദ്ദം:ഹാഫീസ് സഈദ് തീവ്രവാദി തന്നെയെന്ന് പാകിസ്താന്‍
13 February 2018
മുംബൈ ഭീകരാക്രമണത്തിന്റെ സൂത്രധാരന്‍ ഹാഫീസ് സഈദിനെ പാകിസ്താന്‍ തീവ്രവാദിയായി പ്രഖ്യാപിച്ചു. 1997ലെ തീവ്രവാദ വിരുദ്ധ നിയമത്തില്‍ മാറ്റം വരുത്തിയാണ് സഈദിനെയും ജമാത്ത് ഉദ് ദവയെും തീവ്രവാദ സംഘടനകളുടെ കൂട്ടത്തിലേക്ക് ഉള്‍പ്പെടുത്തിയത്. ഇതോടെ യുഎന്‍ നിരോധിച്ച സംഘടനകള്‍ രാജ്യത്ത് നിരോധിതമാകും.
ഏകദേശം 27 സംഘടനകൾ പാകിസ്താനിൽ നിരോധിതതമാവുമെന്നുമാണ് സൂചന. തീവ്രവാദവിരുദ്ധ നിയമത്തിലെ 11B, 11 EE തുടങ്ങിയ വകുപ്പുകളിലാണ് മാറ്റം വരുത്തിയിരിക്കുന്നത്.
കഴിഞ്ഞ വെള്ളിയാഴ്ചയാണ് തീവ്രവാദവിരുദ്ധ നിയമത്തില്‍ മാറ്റം വരുത്താനുള്ള നിയമത്തില്‍ പാക് പ്രസിഡന്‍റ് ഒപ്പുവെച്ചത്. തിങ്കളാഴ്ച വൈകീട്ടോടെയാണ് ഭേദഗതി നിലവില്‍ വന്നത്.
