സുരേഷ് ഗോപി എംപിയെ അറസ്റ്റ് ചെയ്തു
15 January 2018
തിരുവനന്തപുരം∙ പുതുച്ചേരിയിൽ വാഹനം റജിസ്റ്റർ ചെയ്തു നികുതി തട്ടിച്ച കേസിൽ നടനും എംപിയുമായ സുരേഷ് ഗോപിയെ ക്രൈംബ്രാഞ്ച് അറസ്റ്റ് രേഖപ്പെടുത്തി വിട്ടയച്ചു. ഒരു ലക്ഷം രൂപ ബോണ്ടിലും രണ്ടാള് ജാമ്യത്തിലുമാണ് വിട്ടയച്ചത്.
വ്യാജരേഖ ചമച്ച് വാഹനം രജിസ്റ്റര് ചെയ്തതിലൂടെ സംസ്ഥാന സര്ക്കാരിനെ കബളിപ്പിച്ച് നികുതി വെട്ടിപ്പ് നടത്തിയെന്നാണ് ക്രൈംബ്രാഞ്ച് സുരേഷ് ഗോപിക്കെതിരെ ചുമത്തിയിരിക്കുന്ന കുറ്റം. കേസുമായി ബന്ധപ്പെട്ട് നേരത്തെ സുരേഷ് ഗോപിയെ ക്രൈംബ്രാഞ്ച് ചോദ്യം ചെയ്തിരുന്നു. തിരുവനന്തപുരം ക്രൈംബ്രാഞ്ച് ആസ്ഥാനത്ത് വിളിച്ചു വരുത്തിയാണ് നടനെ ചോദ്യം ചെയ്തത്.
പുതുച്ചേരിയില് വ്യാജവിലാസത്തിലാണ് സുരേഷ് ഗോപി കാര് രജിസ്റ്റര് ചെയ്തിരിക്കുന്നത്.