ഇന്ത്യയുടെ ചരിത്ര ഗോൾ പിറന്നു: കൊളംബിയയ്ക്കെതിരെ പൊരുതി തോറ്റു
9 October 2017
അണ്ടര് 17 ലോകകപ്പില് കൊളംബിയക്കെതിരായ മത്സരത്തില് ആതിഥേയരായ ഇന്ത്യക്ക് തോല്വി. ഒന്നിനെതിരെ രണ്ട് ഗോളുകള്ക്കാണ് ഇന്ത്യന് തോല്വി. ലോകകപ്പ് ചരിത്രത്തിൽ ഇന്ത്യയുടെ ആദ്യ ഗോൾ നേടിയ ശേഷമായിരുന്നു ഇന്ത്യൻ കുട്ടികളുടെ പരാജയം. ജീക്സൺ സിംഗാണ് ആ സുവർണമുഹൂർത്തം ഇന്ത്യക്കായി സമ്മാനിച്ചത്.
നേരത്തെ അമേരിക്കയുമായുള്ള ആദ്യ മത്സരവും ഇന്ത്യ പരാജയപ്പെട്ടിരുന്നു. തുടര് തോല്വികളോടെ ഇന്ത്യയുടെ പ്രീക്വാര്ട്ടര് പ്രവേശന സാധ്യത നേരിയതായി. അടുത്ത മത്സരം ഘാനയെ വലിയ ഗോള് വ്യത്യാസത്തില് തോല്പ്പിക്കുകയും ഗ്രൂപ്പിലെ മറ്റ് ടീമുകളുടെ മത്സരഫലവും ഇന്ത്യന് സാധ്യതകളെ നിര്ണ്ണയിക്കും.