National

മലയാളി യുവാക്കളെ അപമാനിച്ച് കേന്ദ്രമന്ത്രി അല്‍ഫോന്‍സ് കണ്ണന്താനം

ഡല്‍ഹി എകെജി ഭവനിലേക്ക് ബിജെപി നടത്തിയ മാര്‍ച്ചില്‍ സംസാരിക്കുമ്പോഴായിരുന്നു കേന്ദ്ര മന്ത്രി അല്‍ഫോന്‍സ് കണ്ണന്താനത്തിന്റെ വിവാദ പ്രസ്താവന. കേരളത്തില്‍ യുവാക്കളെ കാണാനില്ലെന്നും തൊഴിലില്ലായ്മ രൂക്ഷമായതിനാല്‍ എല്ലാവരും തൊഴില്‍ തേടി ഗള്‍ഫിലേക്ക് പോയിരിക്കുകയാണെന്നും കണ്ണന്താനം പറഞ്ഞു.

മോദിയുടെ വികസന സ്വപ്നങ്ങള്‍ കേരളത്തിലും നടപ്പാക്കുമെന്നും കണ്ണന്താനം വ്യക്തമാക്കി. ബിജെപി ഭരിക്കുന്ന സംസ്ഥാനങ്ങളില്‍ നിന്നുള്‍പ്പെടെ രാജ്യത്തിന്റെ വിവിധ ഭാഗങ്ങളില്‍ നിന്നു തൊഴിലിനായി ലക്ഷക്കണക്കിനാളുകള്‍ കേരളത്തിലെത്തുന്നു എന്നതാണ് യാഥാര്‍ത്ഥ്യമെന്നിരിക്കേ സംസ്ഥാനത്തെ അപകീര്‍ത്തിപ്പെടുത്തുന്ന തരത്തിലായിരുന്നു കണ്ണന്താനത്തിന്റെ പ്രസംഗം.