പുതിയ ചിത്രമായ മണികര്‍ണികയുടെ സെറ്റില്‍ വെച്ച് ബോളിവുഡ് താരം കങ്കണ റണാവത്തിന് വെട്ടേറ്റു. ഒരു സംഘര്‍ഷ രംഗം ഷൂട്ട് ചെയ്യുന്നതിനിടെയാണ് നടിയുടെ മുഖത്ത് വെട്ടേറ്റത്. സഹതാരം നിഹാര്‍ പാണ്ഡ്യയുമായി കങ്കണ വാള്‍പ്പയറ്റു നടത്തുന്ന രംഗമായിരുന്നു ചിത്രീകരിച്ചിരുന്നത്. ഇതിനിടെ പുരികത്തിന് നടുക്കായി വാള്‍ കൊണ്ട് മുറിവേല്‍ക്കുകയായിരുന്നു. ഉടന്‍ തന്നെ നടിയെ ആശുപത്രിയില്‍ പ്രവേശിപ്പിച്ചു. തലയില്‍ 15 സ്റ്റിച്ചുകളുണ്ടെന്നും ആഴത്തിലുള്ള മുറിവാണെന്നും ഡോക്ടര്‍മാര്‍ പറഞ്ഞു. ഝാന്‍സി റാണിയെപ്പോലൊരു യോദ്ധാവിന്റെ മുറിവ് തന്റെ മുഖത്തിനു കിട്ടിയല്ലോയെന്നായിരുന്നു നടിക്ക് ഇതിനോടുള്ള പ്രതികരണം.