യുവനടി ആക്രമിക്കപ്പെട്ട സംഭവം: ദിലീപിനെ കൂടാതെ സിനിമാ മേഖലയില് നിന്ന് മൂന്ന് പേര്കൂടി പോലീസ് കസ്റ്റടിയില്
10 July 2017
കൊച്ചി: യുവനടി ആക്രമിക്കപ്പെട്ട സംഭവത്തിൽ നടൻ ദിലീപിനെക്കൂടാതെ സിനിമാ മേഖലയിൽനിന്നുതന്നെയുള്ള മൂന്നു പേർകൂടി പൊലീസിന്റെ കസ്റ്റഡിയിലുണ്ടെന്ന് വിവരം.നാദിര്ഷ ഉള്പ്പെടെയുള്ളവരാണു അറസ്റ്റിലായെന്നാണു സ്ഥിരീകരണമില്ലാത്ത റിപ്പോര്ട്ടുകള്.അറസ്റ്റ് രേഖപ്പെടുത്തിയതിനു പിന്നാലെ ദിലീപിനെ ആലുവ പൊലീസ് ക്ലബ്ബിലെത്തിച്ചു. ദിലീപിനെ ഉടൻതന്നെ കോടതിയിൽ ഹാജരാക്കും.
റിയൽ എസ്റ്റേറ്റ് ഇടപാടല്ല ആക്രമണത്തിനു പിന്നിലെന്നും വ്യക്തി വൈരാഗ്യം മാത്രമാണ് കാരണമെന്നും പോലീസ് പറയുന്നു. ദിലീപ് ഇപ്പോൾ ആലുവ പോലീസ് ക്ലബ്ബിലാണുള്ളത്.
അതേസമയം, ദിലീപിന്റെ അറസ്റ്റിനോടു പ്രതികരിക്കാനില്ലെന്ന് ആക്രമണത്തിനിരയായ നടിയുടെ കുടുംബം പ്രതികരിച്ചു.