രണ്ടു ബിജെപി പ്രവർത്തകർക്ക് നെയ്യാറ്റിൻകരയിൽ വെട്ടേറ്റു
27 April 2017
നെയ്യാറ്റിൻകര: രണ്ടു ബിജെപി പ്രവർത്തകർക്ക് തിരുവനന്തപുരം നെയ്യാറ്റിൻകരയിൽ ഉണ്ടായ സംഘർഷത്തിൽ വെട്ടേറ്റു. അനിൽ, വിനോദ് എന്നിവർക്കാണ് വെട്ടേറ്റത്. ആക്രമണത്തിന് പിന്നിൽ സിപിഎം പ്രവർത്തകരാണെന്നാണ് ബിജെപി ആരോപിക്കുന്നത്.
നെയ്യാറ്റിൻകര ആനാവൂർ ഭാഗത്താണ് സംഘർഷമുണ്ടായത്. പരിക്കേറ്റവരെ ആദ്യം നെയ്യാറ്റിൻകര താലൂക്ക് ആശുപത്രിയിലാണ് പ്രവേശിപ്പിച്ചത്. എന്നാൽ ഇവരുടെ നില ഗുരുതരമായതിനെ തുടർന്നു മെഡിക്കൽ കോളജിൽ ആശുപത്രിയിലേക്ക് മാറ്റി. പ്രദേശത്ത് പോലീസ് ക്യാമ്പ് ചെയ്യുന്നുണ്ട്.
കഴിഞ്ഞ കുറേ നാളുകളായി ആനാവൂരിൽ ബിജെപി-സിപിഎം പ്രവർത്തകർ തമ്മിൽ സംഘർഷമുണ്ട്.