കണ്ണൂരില്‍ മൂന്നു വയസുകാരിയെ പീഡിപ്പിച്ച പതിനഞ്ചുവയസുകാരന്‍ പിടിയില്‍
14 March 2017
പ്രതീകാത്മക ചിത്രം
കണ്ണൂര്‍: കേളകം കണിച്ചാര്‍ അണുങ്ങോട് കോളനിയില്‍ മൂന്നു വയസ്സുകാരിയെ പതിനഞ്ചുകാരന്‍ പീഡിപ്പിച്ചു. കഴിഞ്ഞ ഞായറാഴ്ചയായിരുന്നു സംഭവം. കുട്ടിയുടെ മാതൃസഹോദരന്‍ കൂടിയായ പതിഞ്ചുകാരന്‍ കുട്ടിയെ പീഡിപ്പിക്കുകയായിരുന്നു. പരുക്കേറ്റ കുട്ടി തലശേരി ജനറല്‍ ആശുപത്രിയില്‍ ചികിത്സയിലാണ്.
പോക്‌സോ നിയമപ്രകാരം കേസെടുത്ത പൊലീസ് പ്രതിയെ അറസ്റ്റ് ചെയ്തു. കേളകം എസ്.ഐ ടി.വി പ്രദീഷാണ് പ്രതിയെ കസ്റ്റഡിയിലെടുത്തിരിക്കുന്നത്. പേരാവൂര്‍ സി.ഐ എന്‍. സുനില്‍ കുമാര്‍ മട്ടന്നൂര്‍ സി.ഐ ഷാജു ജോസഫ് എന്നിവരുടെ നേതൃത്വത്തിലാണ് കേസന്വേഷണം നടക്കുന്നത്.കൊട്ടിയൂരില്‍ 16 കാരിയെ വൈദികന്‍ പീഡിപ്പിച്ച കേസ് അന്വേഷിച്ചിരുന്നതും പേരാവൂര്‍ സി.ഐ സുനില്‍ കുമാര്‍ തന്നെയാണ്.
