ഇന്ത്യയില് ജീവിക്കാന് കഴിയില്ലെങ്കില് കമല് രാജ്യംവിട്ടു പോകണം; എസ്ഡിപിഐ പോലുള്ള തീവ്രവാദ സംഘടനകളില് പ്രവര്ത്തിക്കുന്ന ആളാണ് കമല്:എ.എൻ. രാധാകൃഷ്ണൻ.
കോഴിക്കോട്: ഇന്ത്യാരാജ്യത്തു ജീവിക്കാന് കഴിയില്ലെങ്കില് സംവിധായകന് കമല് രാജ്യംവിട്ടു പോകണമെന്നു ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന്. എസ്ഡിപിഐ പോലുള്ള തീവ്രവാദ സംഘടനകളില് പ്രവര്ത്തിക്കുന്ന ആളാണ് കമല്. നരേന്ദ്ര മോദിയെ നരഭോജിയെന്നു വിളിച്ചതിനുള്ള അംഗീകാരമാണ് അദ്ദേഹത്തിനു കിട്ടിയ ബോര്ഡ് ചെയര്മാന് സ്ഥാനം. രാജ്യത്തെ സുപ്രീം കോടതി പുറപ്പെടുവിച്ച ഒരു ഉത്തരവിനോടു കമലിന്റെ നിലപാടു രാജ്യത്തിനു യോജിച്ചതല്ലെന്നും രാധാകൃഷ്ണന് പറഞ്ഞു.
ചെഗുവേര ചിത്രങ്ങള് ചെറുപ്പക്കാരെ വഴി തെറ്റിക്കുകയാണ്.ഇത് കേരളത്തിലെ ഗ്രാമങ്ങളില്നിന്നു നീക്കം ചെയ്യണമെന്നും അദ്ദേഹം ആവശ്യപ്പെട്ടു. ഗാന്ധിജിക്കും വിവേകാനന്ദനും മദര് തെരേസയ്ക്കും ഒപ്പം വയ്ക്കാന് കൊള്ളാവുന്ന ചിത്രമല്ല ചെഗുവേരയുടേത്. ലോകത്ത് ഏറ്റവും കൂടുതല് അരക്ഷിതാവസ്ഥ സൃഷ്ടിച്ച ആളാണ് അദ്ദേഹം. കറുത്ത വര്ഗക്കാരെ നിഷ്ഠൂരം കൊലപ്പെടുത്തിയ ആളാണ് ചെ. മുസോളിനിയുടെയും ഹിറ്റ്ലറുടെയും സ്റ്റാലിന്റെയും ചിത്രങ്ങള്ക്കൊപ്പമാണ് ചെയുടെ സ്ഥാനമെന്നും രാധാകൃഷ്ണന് പറഞ്ഞു.
അതേസമയം ഇത്തരം ഭ്രാന്തൻ ജൽപ്പനങ്ങൾക്ക് മറുപടി പറയാൻ മാത്രം ബുദ്ധിശൂന്യനല്ല താനെന്ന് കമൽ പറഞ്ഞു